ԱՄՆ-ի Վետերանների հարցերով նախարարության աշխատակից Ջոն Բոսնիխը և նրա գործընկերները 2000-2009 թթ. տվյալների բազայում ուսումնասիրել են ամերիկյան զինված ուժերի վետերանների հիվանդությունները: Ուսումնասիրողները պարզել են, որ այն մարդիկ, որոնց «տրանսգենդեր» ախտորոշումն են տվել, ավելի են հակված եղել ինքնասպանության: Ուսումնասիրողների աշխատանքին ամբողջությամբ կարելի է ծանոթանալ LGBT Health ամսագրում:
Տրանսգենդերը մարդ է, որը տառապում է կենսաբանական սեռի և սոցիալական գենդերի անհամապատասխանությամբ: Տրանսգենդերությունը կախված չէ սեռական կողմնորոշումից և կապված չէ դրա հետ:
Ուսումնասիրողները պնդում են, որ ԱՄՆ-ի զինված ուժերում տրանսգենդերների թիվն ավելի մեծ է եղել, քան նրանց թիվը, ովքեր տառապել են ընկճախտով և շիզոֆրենիայով: Հնարավոր է՝ դա կապված է հոգեբանական ճնշման հետ և պայմանավորված է սովորական սոցիալական միջավայրում սեփական տեղը գտնելու անհնարինությամբ:
