Մեծ Բրիտանիայում վաճառքի է հանվել Սուրբծննդյան դելիկատեսների ամենաթանկարժեք հավաքածուն, որը 85 650 ֆունտ արժե: Այս մասին է գրում The Daily Miror-ը: Մթերքներն առաջարկվում են հյուսկեն զամբյուղում:
Հավաքածուն ստեղծել է VeryFirstTo ընկերությունը, որը մասնագիտացված է լյուքսային ապրանքների վաճառքի վրա: Բրիտանական պարբերականի լրագրողները ընկերության առաջարկն աշխարհում սննդի ամենաթանկարժեք հավաքածուն են անվանել:
Հավաքածուն 250գր. հազվագյուտ ձկնկիթ, 600գր. ֆուա-գրա, 100գր. սպիտակ տրյուֆելներ, ապխտած սաղմոն, մեկ փոքր տուփ կոնֆետ, տորթ և այլ մթերքներ է պարունակում, ինչպես նաև Jules Robin կոնյակ, որի մեկ շիշը 47 հազար դոլար արժե: Գնորդները կստանան նաև մեկ շիշ շամպայն այն շարքից, որը մատուցվել է արքայազն Չառլզի և արքայադուստր Դիանայի հարսանիքին, որը կայացել է 1981թ.:
Նշվում է նաև, որ յուրաքանչյուր պատվերից հազար ֆունտ VeryFirstTo-ն կփոխանցի The Prince’s Trust բարեգործական հիմնադրամին, որն օգնում է անապահով մարդկանց վճարել կրթության դիմաց:
