Եվրահանձնաժողովը 2014-ին 2 մլրդ եվրո է հատկացրել սատարելու համար բարեփոխումներին բալկանյան երկրներում և Թուրքիայում, որոնք ձգտում են մտնել Եվրամիություն: Այս մասին գրում է TASS-ը` վկայակոչելով Եվրահանձնաժողովի հայտարարությունը:
Միջոցներն ուղղված են «Ալբանիային, Բոսնիա-Հերցեգովինային, Չեռնոգովային, Սերբիային, Կոսովոյին և Թուրքիային»: Օգնության փաթեթը ներառում է աջակցությունը Թուրքիայում և Մակեդոնիայում առաջնային ծրագրերին:
«Այդ միջոցները հատկացված են հստակ տնտեսական և ժողովրդավարական բարեփոխումների իրականացման համար` դատական համակարգի արդիականացումից մինչև պետական կառավարում և ներդրումներ ենթակառույցներում: Այդ ամենը նպաստում է տարածաշրջանում կայունության հետագա ամրապնդմանը, տնտեսության և ներդրումային պոտենցիալի զարգացմանը»,-ասվում է հաղորդագրությունում: