Սպեկուլյանտ արտահայտությունը և սպեկուլացիա հասկացությունը շուկայական հարաբերություններին բնորոշ են: Դրա տակ չպետք է հասկանալ խուլիգանական գործողություններ: Դրա տակ մարդիկ են կազմակերպություններ, ովքեր օգտվելով իրավիճակից մտածում են արագ փոխեն իրենց ակտիվները արտարժույթով, որպեսզի հետագայում ապահովված լինեն վատթարացումից, կամ նրանք են, ովքեր փորձում են արագ եկամուտ վաստակել»,-ասաց ԱԺ ՀՅԴ խմբակցության պատգամավոր Արծվիկ Մինասյանը:
Նա խորհուրդ չտվեց ազատվել դրամից թանկ դոլար ձեռք բերելով, քանի որ այս պահին դրամը գտնվում է արհեստական արժեզրկման փուլում: «Նախ ասեմ, որ որևէ պաշտոնատար անձ ի վիճակի չէ և ի վիճակի չէր նման կանխատեսումներ անել, որևէ մեկը չի կարող խոստանալ, թե ինչքան կարող է լինել, որովհետև խոստանալ նշանակում է առնվազն տիրապետել ԱՄՆ-ի և Ռուսաստանի բոլոր լծակներին: Եթե մենք խոսում ենք կառավարության գործողությունների համաչափության մասին, ապա ակնհայտ է, որ այսօր կառավարության գործողությունները անհամաչափ են»,- կառավարության գործողությունների վերաբերալ ասաց պատգամավորը: Մինասյանի խոսքերով՝ խնդիրները հրաժարականներով չեն լուծվի, ապա վաղուց պետք է լավ վիճակ լիներ:
«Մենք տեսնում ենք, որ նախորդ կառավարության հրաժարականից հետո այս նոր կառավարությունը նույնպես չհաջողեց»,- եզրափակեց նա: