Samsung-ը բանակցություններ է սկսել LoopPay վճարային ընկերության հետ սմարթֆոնների միջոցով գնումներ կատարելիս վճարման նոր համակարգ ստեղծելու մասին՝ առանց խանութի վաճառողի հետ շփվելու: Այս մասին հայտնում է Re/code պորտալը՝ հղում անելով սեփական աղբյուրներին:
Հարավկորեական ընկերության ապագա սմարթֆոններում ներդրված տեխնոլոգիան հնարավորություն կտա վճարել գնվող սարքը միայն խանութի հաշվիչ-դրամարկղին մոտեցնելով: Նախատեսվում է, որ մատնահետքերի տվիչի օգնությամբ սմարթֆոնի վրա վճարումների ավտորիզացիա կլինի, ինչպես Apple Pay-ում:
Սակայն առայժմ գործարքի ապագան հստակ չէ: Պարբերականի աղբյուրներից մեկն ասել է, որ նման վճարային ծառայությամբ սմարթֆոնի նախատիպն արդեն պատրաստ է, իսկ մեկ այլ աղբյուրի խոսքով՝ կողմերը կարող են նաև համաձայնության չգալ: Երկու ընկերությունների ներկայացուցիչները հրաժարվել են մեկնաբանություն տալ:
Սպասվում է, որ վճարումների նման համակարյգի համապատասխան սարքավորումները կներդրվեն Samsung-ի նոր սմարթֆոններում, որոնք կներկայացվեն 2015թ. առաջին կեսին: