«Դրամավարկային քաղաքականության հետ կապված խնդիր է, դա Կենտրոնական բանկի լիազորությունների մեջ է մտնում, բայց դա բոլորիս խնդիրն է, որովհետև դրամի արժեզրկումը մեր տնտեսության վրա մեծ ազդեցություն ունի: Դրա համար էլ մենք հիմա համատեղ ջանքերով փորձում ենք այս իրավիճակից դուրս գալ և այն բոլոր գործիքները, որ կառավարությունն ունի, ցավոք, այստեղ այդքան շատ գործիքներ չունի»,- ասաց ՀՀ ֆինանսների նախարար Գագիկ Խաչատրյանը:
Նա նշեց, որ աշխարհի բոլոր երկրներում նման բան կա, բայց խնդիրն այն է, որ մեր երկրում դա շատ ավելի արագ տեղի ունեցավ: «Հարկերը նվազեցնելու հարց չի քննարկվում, որովհետև նման խնդիր հիմա չի դրվում»,- նշեց նախարարը: Խաչատրյանի խոսքերով՝ այս պահին Կենտրոնական բանկն իր լիազորության սահմաններում ամեն ինչ անում է իրավիճակը կայունացնելու համար:
