Մեր զրուցակիցն է ԱԺ ՀՀԿ խմբակցության պատգամավոր, ՄԱՊ գործարանի սեփականատեր Ալիկ Պետրոսյանը։
-Պարոն Պետրոսյան, դոլարի արժևորումից և դրամի արժեզրկումից ի՞նչքան վնաս եք հասցրել կրել:
-Չկոնկրետացնենք վնասը, քանի որ վնասը բոլորինս է: Ամեն մեկը չպետք է կանգնիու խոսի իր վնասներից: Բայց վարչապետը ռեալ պատկերն է ասել, այն, ինչ այսօր Հայաստանումկա, և թե՛ ներկրողները, թե՛ արտահանողները մեծ վնասներ են կրում, քանի որ մարդիկ ապրանքը արտադրել են դրամով, վաճառել՝ դրամով, վարկ վերցրել դոլարով: Մենք չպետք է մոռանանք, որ Հայաստանի վարկային ռեսուրսի մոտ 60-62 տոկոսը դոլարային է, իսկ մարդիկ իրենց ապրանքները վաճառում են դրամով: Սա շատ մեծ հարված է, չեմ բացառում, որ շատ մեծ ընկերություններ կան, որոնք Ռուսաստանի հետ պայմանագրեր ունեն իրենց ապրանքը արտահանելու, որ կապել են ռուսականով: Իսկ այսօր մոտավորապես 120-130 տոկոս ռուսական ռուբլին է արժեզրկվել: Մի խոսքով, բոլոր ուղղություններով վիճակը շատ ծանր է, և կառավարությունը պետք է քայլեր կիրառի, մանավանդ որ ՀՀ վարչապետը տիրապետում է այս բոլոր դժվարություններին, պետք է միջոցառումներ իրականացվեն:
-Վարչապետն ասում է՝ ԿԲ-ի տիրույթում է խնդիրը, և նա պետք է կարգավորի այն:
–Չասացինք, որ վարչապետը պետք է կարգավորի, դա ԿԲ-ի խնդիրն է, բայց շատ կարևոր է մեզ համար, որ ՀՀ վարչապետը ռեալ տիրապետում է իրավիճակին:Պետք է ինչ-որ բաներ մտածեն, որ կայունություն մտցնեն, որ մարդիկ կարողանան տեսնել՝ վաղվա օրը ինչ է լինելու, հատկապես եթեայս վիճակը շարունակվի, շատ մեծ կորուստներ կբերի Հայաստանի՝ առանց այդ էլ ոչ ուժեղ տնտեսությանը: Սա կբերի տնտեսության հետընթացի, և ամենակարևորը՝ այսօր, անկախ նրանից, դրամ-ռուբլի կուրսը դոլարի, եվրոյի նկատմամբ ինչպիսին է, բայց կարևոր է կայունությունը: Այնպես որ, եթե չկա այդ կայունությունը, մարդը չգիտի՝ ինչ գնով վաճառի իր ապրանքը: Հիմա ամենաշատը տուժում են այն մարդիկ, որոնց վարկային գիծը դոլարով է։ Դա վերաբերում է նաև գյուղացիների մեծ հատվածին, որոնք չեն փայլում լավ ապրելակերպով:
-ԵՏՄ-ին անդամակցության այս ճանապահին ՀՀԿ-ական պատգամավորները նշում են տնտեսության առաջընթացի ապահովման մասին: Հիմա, երբ Ռուսաստանում ճգնաժամային վիճակ է, մտավախություններ չունե՞ք:
-Աստված միայն մարդուն է հիշողություն տվել: Մենք չպետք է մոռանանք, որ երբ դոլարը 580-ից իջավ 300-ի, երկրի տնտեսությունը հինգ տարով հետ գնաց, Ռուսաստանում կայուն վիճակ էր, և ռուբլին էլ կայուն էր: Ինչ կապ ունի։ Դու ունեցիր ուժեղ տնտեսություն, և ինչ կապ ունի՝ դու ինչ միության մեջ ես: Այսինքն՝ եթե տեղերը չփոխվեն, և մեր արտահանումը հինգ անգամ չգերազանցի ներմուծմանը, այդպիսի ցնցումները այսօր չլինեն, վաղը կլինեն, ինչ կապ ունի՝ քամի որ կողմից է փչում:
Ավելին՝ տեսանյութում: