Ի՞նչն է խանգարում նորմալ քնին: Fedpost.ru-ն ներկայացնում է քնին խանգարող այն վատ սովորույթները, որ բնորոշ են մեզնից յուրաքանչյուրին:
1. Շատերը գիշերը բջջային հեռախոսները չեն անջատում, իսկ անսպասելի SMS-ներն ու պատահական զանգերը խանգարում են քունը: Չնայած մարդը պառկելիս հոգնած է լինում, նրա ուղեղը դեռ ակտիվ է, և ցանկացած աղմուկ խանգարում է քնելուն:
Եթե նույնիսկ դուք ննջում եք, ուղեղը դեռ շարունակում է աշխատել և կարող է արձագանքել ձայներին: Հարկավոր է ուշադրություն դարձնել նաև սենյակի լուսավորությանը: Օրգանիզմը արթնանում է չափազանց վառ լույսից նույնիսկ փակ աչքերի դեպքում:
2. Քնի ժամանակ մարդու մարմնի ջերմաստիճանը սովորաբար ընկնում է: Երբ մենք պառկում ենք քնելու, մեր ներքին «ժամացույցը» օգնում է օրգանիզմին մի քանի աստիճանով սառչել: Սակայն եթե սենյակում ցուրտ է, ապա դա անելն ուղղակի անհնար է, և մարդը չի կարողանում քնել։ Նույնը նաև հակառակ դեպքում. երբ մենք շոգում ենք, ապա օրգանիզմը չի կարողանում սառչել:
3. Որոշ խմիչքներ կամ սնունդ օգտագործելիս քնելը դժարանում է: Կոֆեինի բարձր պարունակությամբ ըմպելիքները մարդուն խանգարում են քնել: Իսկ ալկոհոլ օգտագործելուց հետո առավոտյան մարդը ծանր գլխով է արթնանում: Որոշ սննդամթերքներում, օրինակ՝ ընկույզում, բեկոնում, պանրում, տիրամին է պարունակվում, որն ակտվացնում է օրգանիզմը և խանգարում քնին:
4. Սթերսներն ու անհանգստությունը անքնության տարածված պատճառներ են: Հաճախ քնելիս մարդը կրկին անհանգստանում է օրվա կատարվածի համար և մտածում կատարվելիք գործերի մասին: Այդ պատճառով էլ ուղեղը չի կարողանում անջատվել: Այս դեպքերում խորհուրդ է տրվում վեր կենալ և ինչ-որ բանով զբաղվել, որպեսզի բացասական մտքերը հեռանան: