Ավստրիայի ոստիկանությունը խոշոր գործողություն է իրականացնում ԴԱԻՇ (Իրաքի և Շամի իսլամական պետություն) խմբավորման ենթադրյալ գրոհայինների դեմ, որոնք երկրի քաղաքացիների են հավաքագրում Սիրիայում մարտերին մասնակցելու համար: Այս մասին հայտնում է Krone թերթը:
Թերթի տեղեկացմամբ՝ գործողությունն իրականացվում է Ավստրիայի Գրաց, Լինց և Վիեննա քաղաքներում: Ոստիկանության մոտ 500 աշխատակից խուզարկում են բնակարանները, մզկիթները և աղոթքի սենյակները: Ներկայումս ոստիկանությունը 20 կասկածյալի ձերբակալելու արտոնագիր է տվել, բայց ձերբակալություններ դեռ չեն եղել:
Պարբերականը նշում է, որ հատուկծառայությունները մոտ 2 տարի գաղտնալսել են կասկածյալների հեռախոսները: Կասկածյալների խմբի ղեկավարը, ենթադրաբար, 5 երեխաների հայր է Բոսնիայից: Նա համարվում է ԴԱԻՇ-ի եվրոպական ճյուղի «խոսափողը», որն արմատական մուսուլմանների է հավաքագրում: