Ուրբաթ առավոտյան՝ ժամը 11-ին մոտ, քաղաքացիական հագուստով 2 անձինք իր տնից դուրս գալիս բռնել են «Ազատություն» ռադիոկայանի ադրբեջանական ծառայության աշխատակից Թուրհան Քերիմովին: Այս մասին հայտնում է Turan-ը: Ականատեսների խոսքերով՝ նրան գցել են սև ավտոմեքենայի մեջ և տարել անհայտ ուղղությամբ:
Ադրբեջանի ՆԳՆ մամլո ծառայությունում գործակալությանը հայտնել են, որ տեղեկություն չունեն այդ դեպքի մասին: Ոստիկանության Նարիմանովյան վարչությունում ասել են, թե Քերիմովին չեն ձերբակալել:
Նշվում է, որ Քերիմովը սովորաբար սոցիալական և քաղաքական թեմաներով նյութեր է պատրաստել:
