Այսօր Հայաստանում ԱՄՆ դեսպան Ջոն Հեֆերնը Ազգային ժողովում բավականին երկար հանդիպում ունեցավ Արտաքին հարցերի մշտական հանձնաժողովի անդամների հետ: Հանդիպումը տևեց մոտ 3 ժամ: Բայց, ոչ դեսպանը, ոչ էլ հանձնաժողովի անդամները չցանկացան պատասխանել, թե ինչ հարցերի են քննարկել: Հանդիպումից հետո Ջ.Հեֆերնը լրագրողներին ընդամենն ասաց, թե տարբեր հարցերի շուրջ են զրուցել:
«Առաջին լրատվական»-ի տեղեկություներով դեսպանն ու պատգամավորները զրուցել են հիմնականում Հայաստանի արտաքին քաղաքականության, Մինսկի խմբի գործունեության, ԼՂՀ հակամարտությանը և տարածաշրջանային քաղաքականությանը վերաբերող հարցերի շուրջ: