ԱՄՆ նախագահ Բարաք Օբաման նշել է Գոհաբանության օրը նշել է ընտանիքի հետ`կնոջ`Միշելի և դուստրերի` Մալիայի և Սաշայի հետ: Սպիտակ տանը ընտանիքին տոնական սեղանի շուրջ ընկերակցել են մի քանի մտերիմ ընկերներ: Այս մասին գրում է TASS-ը:
Տոնական ճաշացանկը բաղկացած էր ամերիկյան խոհանոցի ավանդական ուտեստներից: Սեղանի կենտրոնում գտնվել է տապակած հնդկահավը: Որպես գարնիր` դրան հավելվել է եգիպտացորենի ալյուրից պատրաստված լցոնը:
Մատուցվել են նաև պանրով մակարոններ, քաղցր կարտոֆիլ, կարտոֆիլի պյուրե, խոզապուխտ և բուլկիներ: Աղանդերը բաղկացած էին 6 տարբեր թխվածքներից` բանանասերուցքային, կոկոսե-սերուցքային, խնձորի, դդումի, ընկույզի և բալի:
Օբաման հավելել է, որ Գոհաբանության օրն իր սիրելի տոնն է, քանի որ այն բացառապես ամերիկյան է: