Ռոլլինսի Քոլեջից և Փենսիլվանիայի համալսարանից ուսումնասիրողները հետաքրքրվել են, թե ինչու են մարդիկ տարբեր կերպ արձագանքում սթրեսին: Ուսումնասիրությանը 50 զույգեր են մասնակցել: Մասնակիցներից թքի անալիզ են վերցրել որպեսզի որոշեն մինչև կոնֆլիկտը կորտիզոլի մակարդակը: Այնուհետև նրանք պատմել են, թե ինչը կարող է կոնֆլիկտ ստեղծել զուգընկերների միջև: Գիտնականները պարզել են նաև, թե որքան հաճախ են կամավորները փոքր ժամանակ ներկա եղել ծնողների վեճերին:
Այնուհետև զուգընկերները պետք է նստեին և քննարկեին հարաբերություններում իրենց խնդիրները, պատմում է Psych Central-ը: Խոսակությունը տեսագրվել է: Կոնֆլիկտից 20 րոպե անց ուսումնասիողները կրկին չափել են կորտիզոլի մակարդակը:
Գիտնականները նկատել են, որ ինչքան լուրջ է եղել կոնֆլիկտը, այնքան մեծ է եղել օրգանիզմի արձագանքը: Սակայն, այս կապը նույնքան ակնհայտ չի եղել այն մարդկանց մոտ, ովքեր փոքր ժամանակ հաճախ են ներկա գտնվել ծնողների վեճերին: Դատելով ամեն ինչից՝ նման մարդիկ կոնֆլիկտների ժամանակ սթրեսն ավելի հեշտ են հաղթահարում:
Նախկին ուսումնասիրությունները ցույց են տվել, որ կոնֆլիկտը կարող է մի շարք բացասական հետևանքներ ունենալ, օրինակէ ընկճախտ, սթրես, զայրութ, ֆիզիկական բռնություն, վիրավորանք: Սակայն վեճերը երբեմն օգտակար են լինում: Դրանք չեն թողնում իրավիճակը խորանա, նվազեցնում են լարվածությունը: