31-ամյա դերասանուհի Էմիլի Բլանտը հերոսական արարք է կատարել՝ փրկել է Հոլիվուդի կուռքի՝ Մերիլ Սթրիփի կյանքը: Այս մասին Բլանտը պատմել է Դևիդ Լեթերմանի շոուում, գրում է 7days-ը:
«Այո, ես փրկել եմ նրա կյանքը: Մենք տեսարան էինք փորձում, որտեղ նա Վհուկի կերպարում պետք է բարձրությունից սեղանին ցատկեր: Եվ այդ պահին սարսափելի բան կատարվեց, երբ բոլոր ձայները վերանում են, ու դու ամեն ինչ դանդաղեցված ես տեսնում. ես տեսա, որ ցատկելու ժամանակ նրա ոտքերը խճճվեցին թիկնոցի մեջ: Մենք ուղղակի սառած նայում էինք, թե ինչպես է նրա գլուխը մոտենում բետոնե հատակին: Ռեժիսոր Ռոբ Մարշալը քարացել էր տեղում: Եվ այդ ժամանակ, ես, հղի լինելով, բռնեցի նրան: Այնպես որ, Մերիլը պարտք է ինձ»,- ժպիտով ասել է Էմիլին:
Բլանտը նաև հայտարարել է, որ Սթրիփը կարող է իրեն հետևյալ կերպ վարձահատույց լինել. «Ես կկխաղայի Վերսալի թագուհու, իսկ նա՝ իմ միայնակ դերձակուհու դերը… Անկեղծ ասած՝ ես նրան արդեն առաջարկել եմ դա, իսկ նա պատասխանել է. «Երազիր, երազիր»: Ի՞նչը նրան դուր չեկավ»: