Կոլումբիայում անասնաբույժները սկսել են գետաձիերի մանրէազերծումը, որոնք ծնվել են Աֆրիկայից էքսցենտրիկ նարկոբարոնի ներմուծած կենդանիներից: Գետաձիերը հարմարվել են այլ մայրցամաքի պայմաններին և լավ բազմանում են, հայտնում է ВВС-ն:
Կենդանիների նախկին տերը՝ հայտնի նարկոբարոն Պաբլո Էսկոբարը, սպանվել է 1993 թ.՝ ձերբակալության փորձի ժամանակ: Էսկոբարը, որի կարողությունը գնահատվել է 3 մլրդ դոլար, Հարավային Ամերիկայի համար էկզոտիկ կենդանիների իսկական կենդանաբանական այգու տեր է եղել: Դրանց մեջ եղել են կենգուրուներ, ֆլամինգոներ, փղեր, ռնգեղջյուրներ և աֆրիկյան հիպոպոտամներ, որոնք անազատության մեջ հաջողությամբ բազմացել են:
2006 թ. գետաձիերի զույգը փախել է, ազատվել և սկսել ապրել Մագդալենա գետի հովտի ճահճոտ տարածքում: Տեղի բնակիչները հազվադեպ են տեսել արու և էգ կենդանիների զույգին, որոնք լավ հարմարվել են իրենց ոչ հարազատ մայրցամաքում:
Կոլումբացի զինվորականներն ու անտառապահները գետաձիերի որս են հայտարարել: Զույգի արուն, որին տեղի բնակիչներն անվանել են Պեպե, սպանվել է: Էգի և ձագերի որսն արդյունք չի տվել, իսկ կենդանապաշտպանների ճնշման տակ նվազագույնի է հասցվել:
Այդ տարիների ընթացքում, գիտնականների գնահատմամբ, պոպուլյացիան աճել է մինչև մոտ 60 կենդանու: Հանրությունը խնդրել է չսպանել կենդանիներին, այլ պարզապես մանրէազերծել:
