Մեծ Բրիտանիայի բնակչուհի Էննի Մերֆին 40 տարվա ընդմիջումից հետո վերադարձել է կրթական գործունեության, հայտնում է The Daily Mail-ը: Օրերս 101-ամյա կինը դասախոսություն է կարդացել գործազուրկների 30-հոգանոց խմբի առաջ, որի ընթացքում նա նրանց պատմել է իր կյանքի և աշխատանքի մոտիվացիայի մասին:
Մերֆին ներկաներին պատմել է նաև XX դարի սկզբին Մեծ Բրիտանիայում հանքափորների գործադուլների և կանանց համար հավասար իրավունքների ու ազատության համար պայքարում Նելսոն Մանդելայի դերի մասին: Նշվում է, որ դահլիճը թոշակառու կնոջն օվացիաներով է ուղեկցել:
Թոշակի անցնելու պահից Մերֆին մենակ է ապրել, սակայն այս տարվա սեպտեմբերին տեղափոխվել է Գեյթսհեդի ծերանոց: Նա հենց այնտեղ էլ կարդացել է իր դասախոսությունը:
Էննի Մերֆին ծնվել է 1913 թ.: Նա սկսել է դասավանդել 1932 թ., իսկ 1973 թ. թոշակի է անցել:
