Քեմբրիջի դքսուհի Քեթրինը մասնակցել է բարեգործական միջոցառման, որը կազմակերպվել էր Արևելյան Անգլիայի մանկական հոսպիսների EACH ասոցացիայի կողմից՝ Նորիջի Norfolk Showground ցուցահանդեսային կենտրոոնում: Նպատակն էր միջոցներ հավաքել նոր բուժհաստատության կառուցման համար: Այս մասին հայտնում է Elle-ն:
Հղի Քեյթ Միդլթոնը, որը կազմակերպության հովանավոր է, միջոցառմանը ներկայացել է Katherine Hooker-ի կարմիր զգեստով: Զգեստի համար ոճաբաններն ընտրել էին սև կոշիկներ Jimmy Choo-ից, փոքրիկ թավշե պայուսակ և զարդեր Kiki McDonough-ից:
Դիմահարդարումը նույնն է եղել, ինչպես միշտ, իսկ ահա մազերը, որոնք մշտապես արձակված էին, այս անգամ հավաքված են եղել:
Երեկոյի ժամանակ դքսուհին չի կարողացել զսպել արցունքները, երբ լսել է 33-ամյա Լի Սմիթի ելույթը, ում դուստրը մահացել էր 16 շաբաթականում սրտի անբավարարությունից: Հեռանալուց առաջ Միդլթոնը գրկել է կնոջն ու նրան շատ խիզախ տիկին անվանել: