Thursday, 28 03 2024
Ուղիղ. այսօր Ավագ Հինգշաբթի է. ոտնլվայի արարողություն և խավարման կարգ Անթիլիայում
18:50
Ռուսաստանը պատրաստվում է նոր մեծ հակահարձակման
«Կովկասի գերուհու» տնօրենը 11մլն․ դրամ է հափշտակել
Համոզված եմ մենք կունենանք սերունդ, որը կապրի ԵՄ անդամ Հայաստանում. Էդգար Առաքելյան
Ավագ հինգշաբթին Մայր Աթոռ Սուրբ Էջմիածնում
18:40
ԵՄ-ը մինչև ապրիլ կներկայացնի Ուկրաինային սպառազինությունների մատակարարման պլանը
Իսրայելը ՀԱՄԱՍ-ի 200 զինյալ է լիկվիդացրել Աշ-Շիֆա հիվանդանոցում
«Աշխարհին նոր բազմակողմանի առևտրային համակարգ է անհրաժեշտ». Տոկաև
Գազայում սովը կարող է դիտվել որպես պատերազմի հանցագործություն. ՄԱԿ-ի Մարդու իրավունքների գերագույն հանձնակատար
18:10
«Գերմանիայի հատուկ ծառայությունները չեն իմացել Մերձմոսկվայում նախապատրաստվող ահաբեկչության մասին». Շոլց
18:09
ԱՄՆ-ն 228 մլն դոլար է հատկացրել Բալթյան երկրներին 2024 թ. պաշտպանության համար
Հայկ Մարությանն առաջիկայում կուսակցություն կհիմնի
Ղրղզստանի մայրաքաղաքում ավազամրրիկից շենքեր և ավտոմեքենաներ են վնասվել
18:06
Ֆրանսիայում դադարեցվել է գնացքների երթևեկությունը «Նելսոն» փոթորկի պատճառով
«Սիրիայում, Լիբիայում, Ղարաբաղում կամ այլ տեղ բախվում էինք գլոբալ դաշինքի հակազդեցությանը». Էրդողան
Լրատվական-վերլուծական երեկոյան թողարկում
Վանաձորում հղի կնոջ մահվան համար մեղադրանք է առաջադրվել 3 բժշկի
18:01
Նվիրված ու պրոֆեսիոնալ թիմ, ճկուն աշխատելաոճ և գործունեության թափանցիկություն. սա է Հայէկոնոմբանկի հաջողության բանաձևը. Արտակ Առաքելյան
Ալի Նաղիեւը ԵՄ դիտորդական առաքելությունը համարում է «ահաբեկչական»
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը
17:50
Քլինթոնը լոբբինգ է արել Կրասիկովի հետ Նավալնիի փոխանակման համար
Վրաստանի լեռնադահուկային հանգստավայրում ձնահյուսի պատճառով կա անհետ կորած
17:30
Սեուլում ավտոբուսների վարորդները գործադուլ են հայտարարել
17:20
Բուլղարիայում տեղի կունենան արտահերթ խորհրդարանական ընտրություններ
Եվրանեսթում մենք կողմ ենք քվեարկել մեր ընդդիմադիրների առաջարկին, իրենք մերին`ոչ.շատ բան չփոխվեց
Բաքվի վարքագիծն անընդունելի է. Բաքոյանը՝ ԼՂ-ի նախկին ղեկավարներից հարցազրույցներ վերցնելու մասին
Իսրայելը հայտնել է Լիբանանից հրթիռների արձակման մասին
17:00
Live. «Առաջին լրատվական» տեղեկատվական-վերլուծական կենտրոն
Վրաստանը մտադիր է երկու տարվա ընթացքում 3,7 մլրդ լարի ծախսել կլիմայի փոփոխության դեմ պայքարի համար
ԵԱՏՄ-ից դուրս գալու հարց Հայաստանը չի քննարկում. ՔՊ պատգամավոր

Մասնակցել ու պահանջել

Այսօր Լոս Անջելեսում կանցկացվի «Հայաստան» համահայկական հիմնադրամի ամենամյա հեռուստամարաթոնը, որի ընթացքում հանգանակություն է հավաքվում Հայաստանում և հիմնականում Ղարաբաղում կարևոր ծրագրեր իրականացնելու համար: Այս տարի, ինչպես և նախորդին, հեռուստամարաթոնի, այսպես ասած, թիրախն է լինելու Հայաստանը Ղարաբաղին կապող երկրորդ ճանապարհի շինարարությունը, որն անցնելու է Քարվաճառով և կրճատելու է Ղարաբաղի ճանապարհը:

Ընդհանրապես «Հայաստան» համահայկական հիմնադրամի հեռուստամարաթոնները պետք է որ հանդիսանային համազգային նշանակության իրադարձություն: Այդ հեռուստամարաթոններն ու հանգանակությունը պետք է լինեին համահայկական սպասում՝ գրեթե յուրաքանչյուր հայ պետք է սպասեր տարվա այդ օրվան, համազգային իր լուման բերելու համար: Կարո՞ղ ենք մենք այսօր խոսել այդ մասին, ասել, որ դա հենց այդպես էլ կա: Մեկը կարող է ասել, որ հնարավոր է նման կերպ գնահատել իրավիճակը, իսկ մյուսը կասի՝ որ ոչ, իրավիճակը հեռու է այդպիսին լինելուց:

Ամեն ինչ հիշեցնում է երևի թե բաժակը կիսով չափ լիքը կամ կիսով չափ դատարկ լինելու լավատես-հոռետես դիլեման: Պետք է սակայն լինել իրատես ու հասկանալ՝ արդյոք հեռուստամարաթոնի և ընդհանրապես համահայկական «Հայաստան» հիմնադրամի, այսպես ասած, մակրոտնտեսական ցուցանիշները, հանգանակությունների վիճակագրությունը արտահայտում է այն պոտենցիալը, որ ունի աշխարհով մեկ սփռված հայությունը՝ 10 միլիոն հայությունը: Արդյո՞ք եթե իրատես լինենք, ապա չենք ասի, որ ամեն տարի առավելագույնը երկու տասնյակ միլիոն հանգանակությունը, մեղմ ասած, շատ փոքր թիվ է 10 միլիոն հայության համար, հատկապես եթե համարենք օրինակ, որ միայն Ռուսաստանում ապրող 7 հայեր ունեն 21 միլիարդ դոլար կապիտալ՝ ըստ «Ֆորբս»-ի:

Իրատես լինելու պարագայում պետք է արձանագրենք, որ «Հայաստան» համահայկական հիմնադրամը բավականաչափ հեռու է համահայկական իրական ընդգրկումից և այսօր, դժբախտաբար, ավելի շատ դարձել է համահայկական հիասթափության խորհրդանիշ: Հիասթափություն առաջին հերթին հայկական պետականության որակներից, որի թիվ մեկ պատասխանատուն այդ պետականության որակները մոտ երկու տասնամյակ շարունակ հետևողականորեն սղոցած իշխանություններն են, կիսագողական տնտեսա-քաղաքական համակարգը: Մյուս կողմից ակնհայտ է, որ «Հայաստան» հիմնադրամը չպետք է ասոցացնել այդ համակարգի հետ, Հայաստանը չպետք է ասոցացնել այդ համակարգի հետ, Ղարաբաղը չպետք է ասոցացնել այդ համակարգի հետ: Սակայն սրա հետ մեկտեղ ինչպես է հնարավոր դա, եթե օրինակ՝ «Հայաստան» հիմնադրամի հոգաբարձուների խորհրդի ղեկավար կազմում Հայաստանի իշխանություններն են եղել և կան՝ այն իշխանությունները, որոնք առաջացրել են մեծ համահայկական հիասթափությունը:

Եվ ուրեմն՝ մի կողմից կանգնած ենք «Հայաստան» համահայկական հիմնադրամը, հանգանակությունն ու նպատակները իշխանությունների հետ չասոցացնելու հրամայականի առաջ, մյուս կողմից՝ տեսնում ենք, որ հիմնադրամի ներկայիս մեխանիզմները դա թույլ չեն տալիս և կամա, թե ակամա բերում են ասոցացման, ինչն էլ հանգեցնում է հիմնադրամի ցուցանիշների անհամապատասխանության համահայկական պոտենցիալին: Ասել կուզի՝ այսօր հրամայական է «Հայաստան» համահայկական հիմնադրամի արդիականացումը և՛ գաղափարական, և՛ կառուցվածքային առումով: Հիմնադրամը պետք է դառնա իսկապես ներկայացուցչական մարմին և ընդգրկի համահայկական ավելի լայն շրջանակներ, իսկ հիմնադրամի ղեկավար կազմում իշխանությունները պետք է ներկայացված լինեն առնվազն ոչ ավելի, քան սփյուռքյան, հայաստանյան և ղարաբաղյան հասարակական-քաղաքացիական շրջանակներ:

Սրա միջոցով հիմնադրամի հանդեպ վստահությունը անբեկանելիորեն կավելանա՝ իր հետ բերելով նաև հանգանակության ավելացում, և հետևաբար համահայկական հիմնադրամի ծրագրային արդյունավետության և ծավալային, և որակական էական աճ: Այս ամենով հանդերձ՝ այնուամենայնիվ դասակարգելով հեռանկարի հրամայականներն ու ընթացիկ մարտահրավերները, փորձենք ակտիվ մասնակցել համահայկական հերթական հանգանակությանը և դեմարշի փոխարեն, լինենք պահանջատեր՝ մասնակցենք և պահանջենք արդյունավետություն, մասնակցենք և պահանջենք հաշվետվողականություն, մասնակցենք և պահանջենք ներկայացուցչականություն՝ հանուն Հայաստանի, հանուն Ղարաբաղի և նաև հանուն Սփյուռքի:

Բաժիններ
Ուղիղ
Լրահոս
Որոնում