90 տարեկանում մահացել է անգլիացի ամենահայտնի գանգստերներից մեկը՝ Ֆրենկի Ֆրեյզերը, ով իր կյանքի գրեթե կեսն անցկացրել է բանտում: Այս մասին հայտնում է BBC-ի ռուսական ծառայությունը:
Նա հայտնի է նաև «խենթ Ֆրենկի» կամ «Դանթիստ» մականուններով: Հնարավոր է՝ վերջին մականվամբ նրան կնքել են աքցանով այլ գանգստերների ատամները հանելու նրա հակվածության պատճառով:
Ֆրեյզերը Արևելյան Լոնդոնի գանգստերների սերնդի ողջ մնացած վերջին ներկայացուցիչներից էր, որոնք պարբերաբար հայտնվել են 1960-ական թվականների թերթերի ինչպես քրեական, այնպես էլ աշխարհիկ խորագրերում:
Նա բատնից դուրս է եկել 1989թ.՝ ճաղերի հետևում անցկացնելով ընդհանուր առմամբ 42 տարի: