ԱՄՆ-ում բարեհաջող են անցել Էբոլայի դեմ պատվաստանյութի առաջին կլինիկական փորձարկումները: Այս մասին հայտնել է Ալերգիկ և ինֆեկցիոն հիվանդությունների ամերիկյան ազգային ինստիտուտի տնօրեն Էնթոնի Ֆաուրին, որի ղեկավարության ներքո ամերիկացի մասնագետների խումբը շարունակում է Էբոլայի դեմ դեղանյութի որոնումները: Այս մասին հայտնում է Gazeta.ru-ն:
Փորձին մասնակցել են 20 կամավորներ: Արդյունքները դրական են եղել: Դեղանյութի ազդեցության ներքո նրանց իմունային համակարգը սկսել է մշակել Էբոլային դիմակայող հակամարմին:
Դեկտեմբերի 2-ին ԱՄՆ նախագահ Բարաք Օբաման ծրագրում է այցելել ինստիտուտ՝ շնորհակալություն հայտնելու գիտնականների թիմին: Նախագահը մտադիր է նաև Կոնգրեսին կոչ անել 2015-ին հավելյալ միջոցներ հատկացնել Էբոլայի դեմ պայքարի միջոցների մշակման համար: