Ջասթին Թիբերլեյքը կդառնա AfterMaster ընկերության համասեփականատերը, որը համակարգչային չիփեր է թողարկում, որոնք բարելավում են տեսագրությունների հնչողությունը: Այս մասին գրում է Spletnik.ru-ն` վկայակոչելով արևմտյան ԶԼՄ-ներին:
Թիբերլեյքի կարծիքով` նման տեխնոլոգիաները կարող են հեղափոխություն առաջացնել երաժշտական աշխարհում:
«Ես շատ ուրախ եմ, որ AfterMaster-ի մասնիկը կդառնամ: Երբ ես առաջին անգամ հասկացա` ինչի է ունակ այդ տեխնոլոգիան, միանգամից ցանկացա միանալ նախագծին»,- ասել է նա:
Նշենք, որ Թիբերլեյքը միակ աստղը չէ, ով ներդրումներ է կատարում տեխնոլոգիապես բարձր սթարթափներում: Այդ թվում են Էշթոն Քաթչերը, Լեոնարդո Դի Կապրիոն, Թոբի Մագուայրը, Ջարեդ Լետոն և այլոք: