Սոցցանցում Միրանդա Քերը իր երկրպագուներին խոստովանել է, որ անտարբեր չէ մուգ շոկոլադի, ֆրիի և այծի պանրի նկատմամբ: Սակայն նա ավելացրել է, որ ինքն իրեն թույլ չի տալիս հաճախակի այդպիսի սնունդ ուտել և որ ամեն օր սպորտով է զբաղվում,գրում է Spletnik.ru-ն:
Պատասխանելով իր օրակարգի վերաբերյալ հարցերին՝ Միրանդան ասել է, որ մեկ օր առանց սեփական բլոգի ապրել չի կարող, սակայն ժամանակ է գտնում նաև մեդիտացիայի և աղոթքների համար:
Նշենք, որ երեք տարի առաջ մոդելը մայրացել է՝ Օռլանդո Բլումին որդի պարգևելով: Շատերը նշում են, որ մայրությունն ավելի է գեղեցկացրել նրան: Մոդելի խոսքերով՝ որդու ծնունդը նա իր կյանքի ամենամեծ ձեռքբերումն է համարում:
Հիշեցնենք, որ Միրանդան հիմնել է նաև օրգանական կոսմետիկայի սեփական մակնիշը՝ Kora Organics-ը և ակտիվորեն առողջ ապրելակերպ է քարոզում: