ԱՄՆ-ի ոստիկանությունը հրապարակել է ուսանողի հեռախոսի լուսանկարները, որոնցից պարզ է դարձել, որ երիտասարդը որոշել է ոչ թե փախչել բարկացած կենդանուց, այլ լուսանկարել նրան:
Նյու Ջերսի քաղաքի Ռատգերի համալսարանի ուսանողն արջի հարվածներից մահացել է սեպտեմբեր ամսին, սակայն ոստիկանությունը միայն նոր է հրապարակել երիտասարդի հեռախոսի մեջ հայտնաբերված լուսանկարները, հաղորդում է New York Post-ը: Լուսանկարներում երևում է լուսանկարչից ընդամենը մի քանի քայլ հեռավորության վրա գտնվող արջը:
22 տարեկան Դարշ Փեյթելը ընկերների հետ զբոսնել է Ափշավա արգելանոցում: Ոստիկանությունը պնդում է, որ ընկերները 135 կգ կշռող կենդանու ուշադրությունը գրավել են անդադար լուսանկարելով:
Այն բանից հետո, երբ երիտասարդները բավականաչափ լոսանկարներ են արել, փորձել են հեռանալ, սակայն արջը հետապնդել է նրանց: Սարսափահար տղաները փախել են, իսկ Փեյթելը շարունակել է լուսանկարել:
Ոստկանությունն ուսանողի մարմինը հայտնաբերել է կանչից երկու ժամ անց, արջը նրա կողքին է եղել: Ոստիկանները սպանել են կենդանուն: Դիակի կողքին նրանք արջի ճանկերից վնասված հեռախոս են հայտնաբերել, որտեղ շատ մոտ տարածությունից կատարած արջի վեց լուսանկարներ են գտել: