Չինական Baidu որոնողական հսկան ներկայացրել է նոր սերնդի DuBike հեծանիվը, որը հագեցած է տարբեր սմարթ տեխնոլոգիաներով: Դրանից բացի, «խելացի» հեծանիվը հնարավորություն կտա կառավարել դրա տիրոջ առողջությունը, որոշել գտնվելու վայրը:
«Խելացի» հեծանիվը ներկայացվել է մի քանի ամիս առաջ, սակայն դրա մասին ճշգրիտ տեղեկատվություն միայն այժմ է հայտնվել:
Engadget ռեսուրսի տվյալների համաձայն՝ DuBike հեծանիվը հագեցած է տարբեր էլեկտրոնային տեխնոլոգիաներով, որոնց թվում են GPS արբանյակային նավիգացիոն համակարգը և գողանալուց պաշտպանվածությունը: Սուպեր-բայքը կարող է որոշել գտնվելու վայրը, ինչպես նաև տարբեր երթուղիներ առաջարկել:
Հեծանիվի վրա տեղադրված տարբեր սենսորներն օգնում են որոշել տիրոջ առողջական վիճակը: Այն տեղեկատվություն է տալիս սրտի զարկերի, ոտնակները պտտացնելու հաճախականության, անցած տարածության, արագության, կորցրած կալորիաների և այլնի մասին: Այս տեղեկատվությունը Bluetooth-ի օգնությամբ փոխանցվում է սմարթֆոնին:
Հեծանիվի գնի և վաճառքի ժամկետների մասին չի հաղորդվում: