Բրիտանացի երկվորյակներ Ջերոմ ու Ջարել Սթենսները հայր են դարձել նույն օրը նույն հիվանդանոցում, ընդ որում՝ նրանց զուգընկերուհիների ծնունդներն ընդունել է նույն մանկաբարձը, գրում է The Daily Mirror-ը: Պարբերականը նշում է, որ նման իրադարձության հավանականությունը չափազանց փոքր է: Նշվում է նաև, որ երկու եղբայրներն էլ որդիներ են ունեցել:
Սկզբում 21-ամյա երկվորյակները ցնցվել են, երբ իմացել են ծննդաբերության մոտավոր ամսաթիվը, սակայն եղբայրներից ոչ մեկը չի հավատացել, որ իրենց երեխաները նույն օրը կծնվեն: Մինչդեռ նրանց որդիները ընդամենը մի քանի ժամ տարբերությամբ են ծնվել: Սկզբում ծնվել է Ջերոմի որդին, որին Քեմերոն են կոչել: Ջարելի որդին ստացել է Քասեն անունը:
Երկվորյակների խոսքերով՝ այն, որ նրանք նույն օրն են հայր դարձել, հիանալի է:
«Ես նախկինում նման բանի մասին չեմ լսել: Դա զարմանալի է»,- խոստովանել է մանկաբարձ Բարբարա Կապուրը, որն ընդունել է ծննաբերությունը:
