Հայաստանի ռազմավարական դաշնակից Ռուսաստանը ոչ միայն շարունակում է զինել մեզ պատերազմով սպառնացող Ադրբեջանին, որն այդ նույն զենքով խոցում է հայկական ուղղաթիռը, այլև լայնամասշտաբ տնտեսական նախագծեր է իրականացնում Ադրբեջանում: Մասնավորապես` առաջիկայում Ռուսաստանը պատրաստվում է ֆինանսավորել Իրանն Ադրբեջանի տարածքով Ռուսաստանին կապող երկաթուղու շինարարությունը, ինչը էլ ավելի կխորացնի Հայաստանի տնտեսական մեկուսացումը:
Չնայած սրան` Հայաստանի իշխանությունները բացառապես Ռուսաստանի հետ են կապում Հայաստանի ինչպես ռազմական, այնպես էլ տնտեսական անվտանգության երաշխիքները` անդամակցելով Եվրասիական տնտեսական միությանը. քաղաքական ԱՆՏԻՆՈՄԻԱ` որի շուրջ բանավիճում են ՀԴԿ նախագահ Արամ Սարգսյանը և «Մոդուս վիվենդի» վերլուծական կենտրոնի ղեկավար Արա Պապյանը: