Քիչ առաջ մեկնարկել է իշխող հանրապետական կուսակցության գործադիր մարմնի նիստը: Նիստից առաջ ՀՀ վարչապետ Հովիկ Աբրահամյանը լրագրողների հետ զրույցում անդրադարձավ եռյակի կողմից իրենց առաջարկությունը մերժելուն:
Հարցին՝ ինչո՞ւ եռյակը մերժեց իր առաջարկը, վարչապետը պատասխանեց, որ ավելի կոռեկտ կլինի այդ հարցը եռյակին ուղղել: Դիտարկմանը, թե գուցե իրենց չե՞ն վստահում, Հ. Աբրահամյանը պատասխանեց. «Ես անում եմ ամեն ինչ, որ ինձ և իմ կառավարությանը վստահեն»։
Նրա խոսքերով՝ չի եղել մի հարց, որ ՀՀ կառավարությունը պայմանավորվի եռյակի հետ և չիրականացնի. «Կարող է՝ հարցեր լինեն, որ չենք պայմանավորվել ու նպատակահարմար չենք գտել, բայց այն, ինչ պայմանավորվում ենք՝ քննարկում ենք: Իրենք առաջակել են տասներորդ կետից սկսել, մենք համաձայնել ենք, մենք կառուցողական ենք: Եթե իրենք չեն ուզում մասնակցել, մենք անելիք չունենք»:-եզրափակեց նա: