Վերջերս հնագետների խումբը՝ Անկարայի համալսարանի պրոֆեսոր Քութալմիս Գյորկայի ղեկավարությամբ, թուրքական Զևգմա քաղաքում հայտնաբերել է 3 հունական խճանկարներ, որոնք գտնվել են Սիրիայի հետ սահմանից ոչ հեռու: Խճանկարները թվագրվում են մ.թ.ա. 2-րդ դարին և վիխթարի հետաքրքրություն են ներկայացնում հետազոտողների համար: Այս մասին հայտնում է Kulturologia-ն:
Պեղումները քաղաքի մերձակայքում սկսվել էին 2007 թվականին, երբ այդ շրջանում ակտիվացել էր Բիրեջիկի ՀԷԿ-ի շինարարությունը, և հիմա շարունակվում են:
Պրոֆեսորի կարծիքով՝ հնում խճանկարները եղել են բնակելի տների ինտերիերի անքակտելի մասը: Որպես կանոն, հույները պատկերել են տարբեր առասպելական կերպարներ, հերոսներ և աստվածներ:
Ժամանակակից Զևգմայի տարածքում քաղաք է գոյություն ունեցել դեռևս մ.թ.ա. 3-րդ դարից: Այն ժամանակ քաղաքը կոչվել է Սելևկիա: Շնորհիվ իր աշխարհագրական դիրքի՝ քաղաքը եղել է Հռոմեական կայսրության արևելյան մասի կենտրոններից մեկը: Պարսիկները զավթել են Զևգման մ.թ. 253 թվականին: Մնում է սպասել, թե ուրիշ ինչ պատմական նմուշներ կհայտնաբերեն հնագետները:
