Հունաստանի ԶԼՄ-ների աշխատակիցները համազգային 24-ժամանոց գործադուլ կանցկացնեն՝ ի նշան երկրի կառավարության քաղաքականության դեմ բողոքի: Երեքշաբթի Աթենքի տեղեկատվական գործակալությունը հայտնում է, որ ակցիան կանցկացվի տեղի ժամանակով նոյեմբերի 26-ի 06:00-ից մինչև նոյեմբերի 27-ի 06:00-ն (մեր ժամանակով՝ 07:00):
Հրապարակված հայտարարության մեջ նշվում է, որ թերթերը, ռադիոն և հեռուստատեսությունը չեն աշխատի նաև տեղի ժամանակով նոյեմբերի 27-ի 11:00-14:00-ն (մեր ժամանակով՝ 12:00-15:00), «որպեսզի ԶԼՄ-ների բոլոր աշխատակիցները կարողանան մասնակցել այդ օրը ծրագրված ցույցերին» Հունաստանի պետծառայողների համընդհանուր գործադուլի շրջանակներում: Բացառություն կկազմեն «ամբողջ երկրում ցույցերի լուսաբանմանը ներգրավված» թղթակիցներն ու տեխնիկական անձնակազմը:
Լրագրողենրի պահանջներից են՝ «պարտադիր հավաքական աշխատանքային պայմանագրերի ներմուծում և անհատական պայմանգրերի արգելում, ԶԼՄ-ների բոլոր աշխատողներին աշխատավարձի պարտքերի վճարում, 2013թ. հունիսին փակված Հունական ռադիոյի և հեռուստատեսության վերականգնում»:
Գործադուլի կազմակերպիչներն են Հունաստանի խոշորագույն արհմիությունները՝ Պետական ոլորտի արհմիության գերագույն խորհուրդն ու Հունաստանի աշխատանքի համընդհանուր կոնֆեդերացիան: