«Չորս քաղաքական ուժերի համագործակցությունը, որը հետո վերածվեց երեք քաղաքական ուժերի, չի եղել ո՛չ ամուսնություն, ո՛չ որդեգրում, ոչ էլ որևէ մի գաղափարի այլ խնդիր, բացի նրանից, որ կան մի խումբ հարցեր, որոնց շուրջ կարելի է համագործակցել ու ճանապարհ անցնել»,- «Առաջին լրատվական»-ի հետ զրույցում ասաց ԱԺ «Ժառանգություն» կուսակցության քարտուղար Թևան Պողոսյանը:
Նա նշեց, որ բոլորն էլ գիտեն, որ այդ ուժերն ունեն տարբեր տեսլականներ, տարբեր ընտրական ծրագրերով են հանդես գալիս, տարբեր մոտեցումներ ունեն տարբեր հարցերում, «այդ հարցերը դնում են մի կողմ և այն հարցերի շուրջ, որտեղ հնարավոր է միասնական առաջ գնալ, փորձում են միասին գնալ, որ ձևավորեն մի երևույթ, որտեղ խնդիրները հնարավոր է միասին հաղթահարելով լուծել»:
«Իշխանությունն իր համար իր բաժին մոնիպուլյացիան է անում, որ տարբեր բաժանարար մոտեցումներ ցուցաբերի»,- ընդգծեց Պողոսյանը՝ պատասխանելով այն հարցին, թե ինչու է իշխանությունը սպասում հենց Գագիկ Ծառուկյանի հայտարարությանը: