Մեքսիկայի դաշնային ոստիկանությունը ձերբակալել է ևս 5 կասկածյալի՝ Գերերո նահանգում անհետացած ուսանողների գործով: Կասկածյալների ընդհանուր թիվը մի քանի տասնյակ է:
5 ձերբակալվածները «Միացյալ մարտիկներ» հանցավոր խմբավորումից են՝ հայտնում է RIA Novosti-ն՝ հղում անելով մեքսիկական իշխանությունների պաշտոնական հաղորդագրություններին: Կասկածյալները ձերբակալվել են Մորելոս նահանգի ավտամայրուղում: Առգրավվել է զենք և մարիխուանա:
Հիշեցնենք, որ 43 ուսանող, որոնք մասնակցում եին սոցիալական ակցիաներին, ձերբակալվել էին ոստիկանության կողմից սեպտեմբերի 26-ին, այնուհետև հանձնվել ավազակներին: Ինչպես ավելի ուշ պարզվել էր, որ ակտիվիստներին սպանել են, իսկ նրանց մարմինները՝ հրկիզել: Միջադեպը հասարակական լայն արձագանք էր առաջացրել և հանգեցրել բողոքական շարժման ակտիվացման:
Մեքսիկայում մարդու իրավունքների ազգային հանձնաժողովի ղեկավար Կուիս Ռաուլ Պերեսի խոսքով՝ իրավական հետևանքների բացակայությունը նպաստում է անօրինության ծաղկմանը: Ինչպես նա նշել է El Pais-ի հետ հարցազրույցում, այս տարի Մեքսիկայում առևանգվել է 5098 մարդ: Իգուալայում տեղի ունեցածը, նրա կարծիքով՝ պայթեցրել է իրավիճակը: