Գիտնականները հերթական անգամ ապացուցել են, որ կանանց չի կարելի դիտարկել որպես հասարակ կենսաբանական մեքենա: Նրանց սեքսուալ հակումը ոչ միշտ է կապված արյան մեջ վերարտադրողական հորմոնների հետ. կանանց համար կարևոր է լավ տրամադրությունը:
Վերջերս Միչիգանում անցկացված հետազոտությունները ցույց են տվել, որ կանանց սեռական ցանկության համար ավելի կարևոր են հոգեբանական գործոնները, քան հորմոնները: Այս մասին գրում է Daily Mail-ը:
Գիտնականները հարցումներ են անցկացրել սեքսուալ ցանկության և սեքսուալ ակտիվության վերաբերյալ: Նրանցից նաև արյան անալիզներ են վերցրել տեստոստերոնի և այլ վերարտադրողական հորմոնների առկայությունը պարզելու համար: Այդ հորմոնների բարձր մակարդակն իսկապես ազդում է սեռական ցանկության վրա:
Սակայն պարզվել է նաև, որ ոչ միշտ են օրգանիզմում քիմիական ռեակցիաներն ունենում վճռորոշ դեր: Իրենց սեռական կյանքից հիմնականում գոհ են եղել այն կանայք, ովքեր առօրյա կյանքում քիչ են սթրեսի ենթարկվել և իրենց երկրորդ կեսի հետ լավ հարաբերություններ են ունեցել:
