Facebook սոցկայքը թողարկել է Rooms հավելվածի առաջին խոշոր թարմացումը: Ծառայությունը նախատեսված է մտացածին անուններով տարբեր թեմաներով շփվելու համար: Հավելվածի iOS տարբերակում (1.1.0) ակտիվության ժապավեն է հայտնվել, ինչպես նաև push-նախազգուշացումների ձայներ և աջակցություն: Ուղղվել են նաև որոշ սխալներ:
Նշվում է, որ push-նախազգուշացումները կօգնեն կապի մեջ լինել, եթե նույնիսկ հավելվածը թողարկված չէ: Եթե կարգավորումներում միանա այդ գործառույթը, օգտատերերը կսկսեն նախազգուշացումներ ստանալ, երբ որևէ մեկը «սենյակում» հաղորդագրություն թողնի: Յուրաքանչյուր զրուցակցի համար կարելի է հատուկ ձայն ընտրել:
Իսկ ահա ակտիվության ժապավենից կարելի է իմանալ, թե տվյալ օգտատերը որքան ժամանակ է անցկացնում «սենյակում», քանի հրապարակում, մեկնաբանություն կամ Like է թողել վերջին շաբաթվա ընթացքում: