Օֆշորային սկանդալի հիմնական կասկածյալ Աշոտ Սուքիասյանը, չի բացառվում, որ արդարացվի և ազատ արձակվի: Այս մասին Shamshyan.com-ի թղթակցի հետ զրույցում ասել էԱշոտ Սուքիասյանի փաստաբան Յուրիկ Խաչատրյանը:
Նրա խոսքով՝ դա տեսականորեն հնարավոր է: «Բայց քննիչը պետք է հանգի նման հետևության՝ բոլոր ապացույցները համադրելով: Իսկ, եթե ոչ, համապատասխան մեղադրանք կուղարկի դատարան»,- ասել է փաստաբանը:
Հարցին, թե մինչև այսօր նրա մեղքը ապացուցող հիմնավոր փաստեր կա՞ն, արձագանքել է. «Աշոտ Սուքիասյանին կոնկրետ անձը լիազորել է գործարքներ կատարելու և իմացել է, թե ինչ գործարքներ է կատարում: Իմ պաշտպանյալին էլ են խաբել»:
Նշել է նաև, որ գործով քննչական գործողությունները դեռ շարունակվում են: Միաժամանակ ավելացրեց, որ ճիշտ է՝ «նիհարել, սիրուն, սիմպատիչնի տղա է դարձել, բայց առողջականն անհամեմատ լավ է և բուժման կարիք այս պահին չունի»:
Մանրամասները՝ սկզբնաղբյուր կայքում
