Վրաստանի նախկին պաշտպանության և ներքին գործերի նախարար, այժմ ազատազրկման մեջ գտնվող Բաչո Ախալայան առաջարկել է երկրի մայրաքաղաքը տեղափոխել Սուխում: Այս մասին հաղորդում է «Գրուզիա Օնլայն» գործակալությունը:
«Ցանկանում եմ դիմել Վրաստանի իշխանություններին և վրացի ժողովրդին կարևոր նախաձեռնությամբ: Աբխազիայի բռնակցման վտանգն այսօր սպառնում ամբողջ Վրաստանին: Նման իրավիճակներում լիարժեք պետություններն իրենց պահում են արժանավայել, իսկ մեր վարքը վերջին տարիներին, և հենց այսօր, երգիծա-ողբերգական է: Ելնելով այն բանից, որ բռնակցման դեմ որևէ ադեկվատ գործողություն չի երևում, և հաշվի առնելով, որ իշխանությունների անիմաստ և դատարկ հայտարարությունները միայն վնաս են հասցնում մեր միասնականությանը, առաջարկում եմ սահմանադրության մեջ ուղղում մտցնել, որի համաձայն Վրաստանի մայրաքաղաք կհայտարարվի վրացական հնագույն Սուխում քաղաքը: Մեզ բոլորիս և ամբողջ աշխարհին դա ևս մեկ անգամ կապացուցի, որ մենք պայքարում ենք, որ թշնամին մեզնից խլում է, և որ խոսքը վերաբերում է ոչ թե Վրաստանի մի առանձին անկյունի, այլ ամբողջ Վրաստանի ազատությանը»,- Facebook սոցցանցում գրել է նախկին նախարարը:
Հիշեցնենք, Բաչո Ախալայան հոկտեմբերին դատապարտվել է 7 տարվա ազատազրկման: