Սաուդյան Արաբիայում հասարակական քննարկումների թեմա է դարձել առանց տղամարդկանց ուղեկցության ռեստորաններում և սրճարաններում կանանց ներկայությունը: Ժամանցային հաստատությունների սեփականատերերի նախաձեռնությունը, ովքեր հրաժարվում են սպասարկել կանանց, քննադատվել է Մարդու իրավունքների հարցերով ազգային միության կողմից, հաղորդում է IbiTimes-ը:
«Արգելքի պատճառն այն է, որ մեր ռեստորանը անբորայականության տեղ է դառնում: Մենք կթույլատրենք այն, եթե պարզ դառնա, որ նման բան այլևս չի կրկնվի: Անբարոյականությունը վատ է անդրադառնում բիզնեսի վրա»,- ասում է ռեստորանների տերերից մեկը:
Ինչպես բացատրում է պարբերականը՝ թագավորության որոշ բնակչուհիներ ռեստորաններում իրենց անզուսպ են պահում, նրանք «միայնակ են գալիս և ուշադրություն են գավում իրենց բջջայիններով, որոնցից բարձր երաժշտություն է լսվում»: Դրանից բացի, նման կանայք «ծխում են և փչացնում են մյուս հյուրերի տրամադրությունը»:
Սաուդյան ակտիվիստ կանայք էլ հայտարարել են, որ այդ որոշումը «խտրականություն» է, դրանից բացի ռեստորանները և սրճարանները կանանց համար հանգստի երկու հիմնական վայրերն են հանդիսանում: «Եթե նրանք պատրաստվում են արգելել մեր մուտքը, ապա ո՞ւր պետք է մենք գնանք: Սաուդացիները պետք է անտեսեն այն ռեստորանները, որոնք նման արգելքներ են դրել»,- ասում են բարկացած կանայք: