ԱՄՆ պաշտպանության նախարար Չաք Հեյգելը, ում հրաժարականի մասին երկուշաբթի օրը հայտարարել է ԱՄՆ նախագահ Բարաք Օբաման, շնորհակալություն է հայտնել նախագահից «ընկերության և աջակցության» համար և հայտարարել է, որ կշարունակի ամբողջությամբ կատարել իր պարտականությունները, մինչև նոր նախարարի նշանակումը: Այս մասին հաղորդում է RIA Novosti-ն:
Այսօր ավելի վաղ Բարաք Օբաման պաշտոնապես հայտարարեց, որ Չաք Հեյգելն ազատվում է ԱՄՆ պաշտպանության նախարարի պաշտոնից: Այնուամենայնիվ, նախագահը նշեց, որ դեռևս չի կոմնորոշվել, թե ով կնշանակվի Հեյգելի փոխարեն:
Լրատվամիջոցների հաղորդմամբ՝ Հեյգելի հավանական փոխարինողի շարքում շրջանառվում է Պենտագոնի ղեկավարի նախկին տեղակալ Միշել Ֆլուրնոյի, դեմոկրատ սենատոր Ջեք Ռիդի և նախկին պաշտպանության առաջին փոխնախարար Էշթոն Քարթերի թեկնածությունները:
«Շնորհակալ են ձեզ ձեր ընկերության և աջակցության համար, որը ես գնահատել եմ և շարունակում եմ գնահատել»,- ասել է Հեյգելը Սպիտակ տանը՝ դիմելով նախագահ Բարաք Օբամային և փոխնախագահ Ջո Բայդենին:
«Իմ կյանքի ամենամեծ արտոնությունը այս պաշտոնը զբաղեցնելն էր, այլ տղամարդկանց և կանանց հետ ծառայել պաշտպանության նախարարությունում, և ես հպարտանում եմ այն բանով, թե ինչի ենք մենք հասել անցած ժամանակի ընթացքում: Մեզ հաջողվել է նախապատրատել Աֆղանստանի անվտանգության ուժերը… Մենք հաջողությամբ արձագանքել ենք աշխարհի տարբեր անկյուններում տեղի ունեցող ճգնաժամերին, և մենք նաև ձեռնարկել ենք մի շարք կարևոր բարեփոխումներ, որոնք նախարարությանը կպատրաստեն հետագա շատ մարտահրավերների»,- ասել է Հեյգելը:
Նա հայտարարել է, որ շարունակում է աջակցել նախագահին և կմանա պաշտոնին, որպեսզի ջանասիրաբար աշխատի, ինպես նախորդ տարիներին: