Վերջերս Միլանում կայացած մոտոշոուին բայքեր արտադրող համաշխարհային ճանաչում ունեցող ընկերությունները ներկայացրել են 2014 թ. թարմ մոդելներ, ինչպես նաև կոնցեպտներ: Novate.ru-ն ներկայացնում է Միլանի մոտոշոու 2014-ի «աստղերին»:
1. Kawasaki Supercharged H2 roadbike
Մոտոշոուի ամենավառ աստղը դարձել է Kawasaki Supercharged H2-ն, որը հագեցած է 210-ուժանոց շարժիչով: Ինչպես նշել են ավտոսիրողները՝ H2-ը շատ է նման իր ավագ եղբորը՝ 300-ուժանոց H2r-ին:
2. Yamaha YZF-R1 և R1m
Yamaha-ի ինժեներները շատ չեն տանջվել նոր R1-ի վրա: Այս մոտոցիկլետի շարժիչի հզորությունը նախկին մոդելի համեմատ հզորացվել է 20 ձիաուժով և հասել 200 ձիաուժի: Երկու մոդելներն էլ հագեցած են էլեկտրոնիկայով, որը դրանց հավասարեցնում է 2014 թ. առաջատար եվրոպական մոտոցիկլետներին:
3. Yamaha FJ-09 (МТ-09 Tracer) Sports Tourer
Սա բարելավված հարմարությոններով սպորտային-ճանապարհային մոտոցիկլետ է: Երևում է, Yamaha-ն հիանալի մեքենա է ստացել, չնայած այն նախկին մոդելից 2500 դոլարով ավել արժե: Մոտոցիկլետի գինը 10490 դոլար է:
4. Honda RC213V-S concept
Fireblade Honda-ն առաջատար ճանապարհային մոտոցիկլետ է, սակայն 178 ձիաուժ հզորությունն արդեն քիչ է, քանի որ նրա մրցակիցները սկսել են իրենց արտադրանքների վրա 200-ուժանոց շարժիչներ դնել:
5. Honda True Adventure prototype
Honda-ն հասկացրել է, որ չի պատրաստվում հեռանալ արկածներ փնտրող ավտոսիրողների համար նախատեսված մոտոցիկլետների շուկայից: Ճապոնացիները կոպիտ տեսք ունեցող կոնցեպտ են թողարկել, որով հնարավոր է նույնիսկ աֆրիկյան սաֆարիով երթևեկել:
6. Ducati Panigale 1299
Panigale-ը արդեն մի քանի տարի շարունակ աշխարհի լավագույն սուպերմոտոցիկլետն է համարվում: Իտալացիներին նույնիսկ հաջողվել է առաջ անցնել BMW S1000RR-ից: Այժմ Panigale-ը հագեցած է ավելի հզոր շարժիչով, որը 205 ձիաուժ հզորություն ունի: Ընդ որում, մոտոցիկլետը ընդամենը 166.5 կգ է կշռում:
7. Ducati Monster 1200
Անսովոր դիզայնով ճանապարհային հայտնի մոտոցիկլետ Monster 1200-ը 2015 թ. զգալիորեն կթարմացվի. այն կստանա Testastretta 11 շարժիչը, որն օգտագործվում է Multistrada, Diavel և հին 1198 supersports bike մոտոցկլետների վրա: Հատուկ ուշադրություն են դարձրել անվտանգության փաթեթին: Այն հագեցած է Ducati Traction Control և ABS 9MP համակարգերով: Մոտոցիկետի արժեքը 13495 դոլար է:
8. Moto Guzzi MGX-21
Moto Guzzi բրենդը մոտոշոուին ներկայացրել է բավական ոճային բայքը: Իրականում MGX-21-ը խիստ ձևափոխված Moto Guzzi California 1400-ն է:
9. Matchless X Reloaded
Բրիտանական հնագույն Matchless բրենդը ներկայացրել է թարմացված Model X Reloaded-ը: Յուրահատուկ մեքենան թողարկվել է նաև 1929-1940 թթ.: Մոտոցիկլետը հագեցած է S&S տիպի V-twin ծավալով 1916сс հզորությամբ շարժիչով:
10. MV Agusta Stradale 800
Մոտոցիկլետներ արտադրող ևս մեկ իտալական ընկերություն՝ MV Agusta-ն, Միլանի մոտոշոուին ներկայացրել է բոլորովին նոր՝ Stradale 800 մոդելը: Մոտոցիկլետը ստեղծվել է Rivale բազայի վրա: Մոտոցիկլետի վրա բեռնախցիկի տեղ է նախատեսված, իսկ ղեկին նավիգատորի տեղ կա:
