Այսօր խորհրդարանում ԵՏՄ-ին Հայաստանի անդամակցության վերաբերյալ ԱԺ արտաքին հարաբերությունների և ԱԺ տնտեսական հարցերի մշտական հանձնաժողովների կազմակերպած խորհրդարանական լսումների ժամանակ ՀՀԿ-ական պատգամավոր Վարդան Այվազյանն իր ամփոփիչ ելույթում փորձեց ներկայացնել, թե ինչու դավաճան չեն:
«Քանի որ ամեն մեկը խոսում է, թե իրեն ով է վարձատրում, ասեմ, որ ինձ վարձատրում է ՀՀ քաղաքացին»,- հավաստեց Այվազյանն ու հայտարարեց, թե ԵՏՄ-ն միանշանակ տնտեսական միություն է: ՀՀ ինքնիշխանության կորստի վերաբերյալ Վ.Այվազյանը նշեց, թե ՌԴ-ն ու Ղազախստանը մեկ շնչին ընկող ՀՆԱ հաշվով 15 հազար դոլարից ավելի ցուցանիշ ունեն, Բելառուսը՝ 7-8 հազար դոլար, ու չեն վախենում իրենց անկախութունը կորցնել, և հանկարծ Հայաստանում են վախենում: Ըստ նրա՝ ՀՀ պատրաստի արտադրանքի 82%-ն ընդունում է ԵՏՄ-ն, որից 80%-ը՝ ՌԴ-ն: Նա կոչ արեց «մեծ-մեծ խոսալու փոխարեն» հարգել հարևան ՌԴ-ին: