Կալիֆոռնիայի Սան Խոսե քաղաքի բնակիչ Ջոի Չեսթնաթը հաղթել է հնդկահավի միս ուտելու մրցույթում, հայտնում է Associated Press-ը: Կոնեկտիկուտում մրցույթի ժամանակ նա 10 րոպեում 4,2 կգ միս է կերել:
Մրցույթին հետևող Major League Eating-ի (համաշխարհային կազմակերպություն, որը վերահսկում է բոլոր պրոֆեսիոնալ խոհանոցային մրցույթները) փորձագետները հաստատել են, որ Չեսթնաթը նոր համաշխարհային ռեկորդ է սահմանել: Նախորդ ռեկորդակիր Սոնյա Թոմասը 2011թ. 10 րոպեում կերել է 2,4 կգ հնդկահավի միս:
Մրցույթում հաղթելու համար Չեսթնաթը որպես մրցանակ 5 000 դոլար է ստացել:
