Համացանցում հայտնվել է «Ժամանակի գույնը» ֆիլմի թրեյլերը, որտեղ գլխավոր դերերում հանդես են գալիս Միլա Կունիսն ու Ջեյմս Ֆրանկոն, հայտնում է 7days.ru-ն:
Թրեյլերում ցուցադրվել է, թե ինչպես են զարգանում կերպարների հարաբերությունները, ընդ որում՝ առանձին ուշադրության են արժանի Ֆրանկոյի և Կունիսի հերոսների կրքոտ համբույրները:
Ֆիլմը պատմում է պոետ Չարլզ Ուիլյամսի մասին, որն արժանացել էր Պուլիցտերյան մրցանակի: Ֆիլմի իրադարձություններն ընթանում են մի քանի տասնամյակ և ընդգրկում 1940-1980-ական թվականները:
«Ժամանակի գույնը» ֆիլմը ցուցադրվել է Հռոմի կինոփառատոնում, սակայն ֆիլմի համաշխարհային պրեմիերան նախատեսված է այս տարվա դեկտեմբերին:
