Վրաստանն այլևս չի կարող ժամանակ կորցնել, հայտարարել է Վրաստանի նախկին նախագահ Միխեիլ Սաակաշվիլին Վարդերի հեղափոխության 11-րդ տարեդարձի կապակցությամբ: Սաակաշվիլին այդ կապակցությամբ հատուկ հայտարարություն է հրապարակել:
«Վարդերի հեղափոխությունը փոխել է ոչ միայն Վրաստանը, այլև տարածաշրջանի հարյուր միլիոնավոր բնակչությանը: Այդ հեղափոխության շնորհիվ Կովկասում հարյուրավոր տարիների ընթացքում առաջին անգամ արդյունավետ պետություն ստեղծվեց: Վարդերի hեղափոխությունը ոչ միայն վերադարձրեց մեզ աշխարհի քարտեզին, այլև Վրաստանը իր պատմության մեջ առաջին անգամ դուրս եկավ աշխարհի առաջատար դիրքեր՝ դարձավ առաջին բարեփոխիչներից, առավել անվտանգ ու ըստ միջազգային կազմակերպությունների՝ ոչ կոռումպացված երկրներից մեկն աշխարհում: Մենք դարձանք երկիր, որին օրինակ են համարում մեր հարևան երկրները, ինչպես նաև ուկրաինացիները, մոլդովացները բելառուսները, ալբանացիները, թունիսցիները, Միջին Ասիայի ժողովուրդներն ու մյուս երկրների ներկայացուցիչները»,- նշել է Սաակաշվիլին:
Նա նաև նկատել է, որ չնայած ձեռքբերումներին՝ հարկավոր է խոսել ապագայի մասին՝ հաշվի առնելով թույլ տված սխալները, դրանք դասերի վերածել ու լավ սովորել:
