Լեդի Գագան հայտնի է իր սկանդալային վարքով. նա բազմիցս ցնցել է իր երկրպագուներին և վախեցրել երեխաներին: Բացի դրանից՝ երգչուհին երբեք չի թաքցրել վատ սովորությունների նկատմամբ իր հակվածությունը:
The Sun-ին տված հարցազրույցում 28-ամյա աստղը խոստովանել է, որ թմրանյութերի հետ խնդիրներն իրեն օգնել է հաղթահարել Էլթոն Ջոնը: «Հիանալի է այնպիսի մարդկանց հետ ընկերություն անել, ովքեր անցել են ալկոհոլի և թմրանյութերի միջով, ինչպես Էլթոնը: Մի անգամ նա ինձ անկեղծորեն ասաց, որ ես չափազանց շատ եմ ծխում: Դրանով էլ նա փրկեց ինձ»,- ասել է նա: Հարկ է նշել, որ Լեդի Գագան Էլթոն Ջոնի որդու կնքամայրն է:
Այն մասին, որ արգելված նյութերով տարվածությունը չափազանց հեռուն է գնացել, երգչուհին խոստովանել է միայն անցած տարի: Այդ ժամանակ նրա լավագույն ընկերուհին ամուսնանում էր: «Ես իրականում շատ դժվար ժամանակներ եմ ունեցել և ինձ տգեղ եմ պահել: Ես հարսնացուի ընկերուհին էի: Երբ հիմա հիշում եմ կատարվածը, զղջում եմ: Ես զղջում եմ իմ պահվածքի համար և վստահ եմ, որ ընկերուհիս ավելի սթափ և ադեկվատ ընկերուհու էր արժանի»:
Այժմ սկանդալային կատարողը փոխել է կյանքի հանդեպ իր հայացքները և ուղղվելու ճանապարհին է. «Ես հիմա ոչինչ չեմ օգտագործում: Երբեմն չեմ օգտագործում, բայց ոչ միշտ: Միայն երբ բեմում եմ»: