Մադրիդի «Ռեալ»-ի պաշտպան Մարսելոն հայտարարել է, որ մադրիդյան գրանդը կենտրոնացած է յուրաքանչյուր խաղում հաղթանակ տանելու ուղղությամբ և առանձնապես ուշադրություն չի դարձնում ռեկորդներին:
Հիշեցնենք` Իսպանիայի առաջնության 12-րդ տուրի «Էյբար»-ի դեմ հանդիպմանը «Ռեալ»-ը 4:0 հաշվով առավելության հասավ մրցակցի նկատմամբ` տանելով իր 14-րդ անընդմեջ հաղթանակը:
«Մենք առաջ ենք գնում, բայց, ինչպես միշտ, ձգտում ենք բարելավել մեր խաղային որակները: Պետք է համեստ լինենք և հանգստություն պահպանենք: Մեզ համար հեշտ չէր «Էյբար»-ի դեմ հանդիպմանը, այստեղ դժվար է խաղալ: Պետք է շարունակենք կենտրոնացած լինել: Հանդերձարանում ռեկորդների մասին չենք խոսում: Խոսում ենք մարզչի խնդրանքը կատարելու մասին»,- Marca-ն մեջբերում է Մարսելոյի խոսքերը:
