Հոլիվուդի աշխարհում, որտեղ արվեստն ու օրիգինալությունը ձեռք ձեռքի են գնում, հայտնիների տարօրինակ վարքագիծը այնքան էլ զարմանալի չպետք է լինի: Այնուամենայնիվ, ամեն անգամ, երբ նրանցից մեկն ինչ-որ հնարք է անում, հասարակական լրատվամիջոցները ոգևորվում են և սևեռվում այդ միջադեպին՝ ինչպես աշխարհի ամենագլխավոր իրադարձություն: Ստորև ներկայացված են մի քանի հայտնիներ, ովքեր իրենց արարքներով դարձել են վատ լուրերի հերոսներ:
Քանյե Ուեսթ (Kanye West)
Նա միշտ այս կամ այն սկանդալային իրավիճակի կենտրոնում է՝ սկսած Թեյլոր Սվիֆթին վիրավորելուց, այն պնդումով, որ ինքն է ստեղծել առաջին կաշվե սպորտային տաբատները, վերջացրած նրանով, որ ինքն իրեն համեմատում է Հիսուսի և Նելսոն Մանդելայի հետ: Իրականում հենց ԱՄՆ նախագահ Բարաք Օբաման է Վեսթին ավանակ անվանել, և դա լուրջ պատճառ ունի: 2014-ի նոյեմբերին Սիդնեյում կայացած համերգի ժամանակ Ուեսթը բոլորին ասել է ոտքի կանգնել, և երբ հանդիսատեսից երկուսը չէին կատարել նրա կամքը, նա հիստերիա է սարքել և հետո միայն պարզել, որ նրանք հաշմանդամի սայլակներով էին:
Բեյոնսե (Beyonce)
Նա աշխարհի ամենահայտնի մարդկանցից է, այդ պատճառով զարմանալի չէ, որ միշտ ուշադրության կենտրոնում է: Նրա ամեն մի քայլը մանրադիտակի տակ ուսումնասիրվում է նույնիսկ սովորական անցորդների կողմից: Նրան նկարահանել են մի քանի ամիս առաջ, երբ Brooklyn Nets-ի խաղն էր դիտում ամուսնու՝ Ջեյ Զիի հետ խաղի ընթացքում նրանք երբեմն խոսում էին: Բայց այն, ինչ տեղի է ունենում նրանց զրույցի դադարի ընթացքում, իսկապես տարօրինակ է՝ կարծես ինչ-որ երաժշտություն է հնչում նրա ուղեղում: Երևի հենց այդպես էլ կար, որովհետև համալիրի բարձրախոսներից ոչ մի ձայն չէր հնչում:
Ջոն Տրավոլտա (John Travolta)
Աստղերի մեծամասնության համար տարվա գլխավոր կինոմրցանակաբաշխությանը՝ «Օսկար»-ին, մասնակցելը պատիվ է: Իսկ երբ աստղին խնդրում են ներկայացնել ինչ-որ մեկին, դա էլ ավելի մեծ հարգանքի և նրա տաղանդի ճանաչման նշան է: Այդ պատճառով դերասանը, որին խնդրել են ինչ-որ մեկին ներկայացնել, պետք է այդ մարդու մասին մանրամասներ իմանա: Սակայն Ջոն Տրավոլտան այդպես չի մտածում: «Օսկար»-ի մրցանակաբաշխության ժամանակ նա պետք է ներկայացներ Իդինա Մենզելին, որը կատարելու էր Let It Go երգը՝ «Սառը սիրտ» ֆիլմից: Իհարկե, անունը փոքր-ինչ տարօրինակ է, բայց մարդիկ գիտեն, թե ով է նա: Տրավոլտան նրան ներկայացրել է Ադելլա Դազիմ:
Չենինգ Տատում (Channing Tatum)
Չնայած նրա բացթողումն այնքան մեծ չի եղել, ինչպիսին Տրավոլտայինն էր, սակայն դերասանը նույնպես սխալ է թույլ տվել այս տարվա «Օսկար»-ի մրցանակաբաշխության ժամանակ: Կարելի էր արդարացիորեն ենթադրել, որ նրա նման բարձրակարգ դերասանը կարող է իրեն ազատ ու անկաշկանդ պահել և առանց որևէ խնդիրների հանձնել «Օսկար»-ը, բայց ինչպես երևում է, Չենինգը չի կարողացել վերահսկել նյարդերը: Նրան հանձնարարել էին պատմել Օսկարի համալսարանական ծրագրի մասին, բայց դրա փոխարեն նա արագ ասել է իր խոսքն ու հեռացել բեմից: Լսարանը նույնիսկ չի նկատել, որ նա եղել է բեմի վրա:
Ամանդա Բայնս (Amanda Bynes)
Շատ ցավալի է, որ մի ժամանակ Ամանդա Բայնսի փայլուն կարիերան շարունակում է ցած գլորվել: Բայնսը տարօրինակ պահվածք է ցուցադրել Twitter-ում, որտեղ պատմել է, որ հայրն իրեն ծեծում է, իսկ հետո հենց ինքն էլ արձագանքել է այդ գրառմանը՝ նշելով, որ մարմնի տարբեր մասերը նրան ստիպել են նման բաներ ասել: Նրան նաև ձերբակալել են անսթափ վիճակում ավտոմեքենա վարելու և բնակարանի պատուհանից թմրանյութի ընդունման հարմարանքների դուրս նետման համար:
Ջեյմս Ֆրանկո (James Franco)
Բացի այն, որ նա հոյակապ դերասան է, Ջեյմս Ֆրանկոն հայտնի է նաև որպես շատ ինտելեկտուալ մարդ, որը շատ բանի է հասել ակադեմիական ոլորտում: Սակայն նույնիսկ նրա ամենաջերմեռանդ երկրպագուները չեն կարող հերքել այն, որ նա մի քիչ այս աշխարհից չէ, թերևս, ինտելեկտի ու գեղարվեստական հակումների պատճառով: Ո՞վ կարող է մոռանալ նրա տարօրինակ վարքը, երբ նա Էնն Հեթեուեյի հետ վարում էր «Օսկար» մրցանակաբաշխությունը: Այս տարվա սկզբին մի նոր միջադեպ նրան ուշադրության կենտրոն դարձրեց: Նա Instagram-ում փորձել էր սիրահետել 17-ամյա մի աղջկա: Նա այնքան հեռուն էր գնացել, որ խնդրել էր նրա համարը՝ չկասկածելով նույնիսկ, որ նա անչափահաս է: Լավ է, որ նա մի քանի օր անց ներողություն է խնդրել և ընդունել, որ անհեռատես է եղել միջադեպի կապակցությամբ:
Շայա Լաբաֆ (Shia LaBeouf)
Հնարավոր է, փառքի ճնշումը շատ մեծ է եղել այնպիսի երիտասարդի համար, ինչպիսին Շայա Լաբաֆն է, երբ տարվա սկզբին նա սկսեց հնարքներ անել, չնայած ոչ ոք չհասկացավ՝ դրանք գովազդայի՞ն քայլեր էին, թե՞ պարզապես նա զզվել է չափազանց մեծ ուշադրությունից: Լաբաֆը կարմիր գորգի վրա հայտնվել է գլխին թղթե պարկ քաշած, որի վրա գրված է եղել՝ «Ես այլևս հայտնի չեմ»:
Պոլա Աբդուլ (Paula Abdul)
Մինչ «Ամերիկյան կուռք» (American Idol) հաղորդման շրջանակներում որպես դատավոր լինելու նրա աշխատանքը մենք ոչինչ չէինք լսել Պոլա Աբդուլի մասին: Իհարկե, նա իրապատում շոուներ է վարել այստեղ ու այնտեղ, բայց երբեք չի մնացել դրանցից որևէ մեկում: Չնայած նա բավականին բարի ու հաճելի մարդ է թվում, բայց յուրաքանչյուրս ունենք մեր տարօրինակ և ուշադրություն գրավող կողմը: Այս տարի Աբդուլը դատի է տվել մի սոլյարիի՝ պնդելով, որ աշխատակիցներն իր նկատմամբ անփույթ են եղել և լուրջ այրվածքներ են հասցրել մաշկին: Նա նշել է, որ արդյունքում լուրջ ֆիզիկական ու հոգեբանական տառապանքներ է կրել ու կորցրել է գումար վաստակելու հնարավորությունը: Միջադեպը տեղի է ունեցել է 2012-ին, բայց, չգիտես ինչու, նա որոշել է դատարան դիմել հիմա:
Սելենա Գամես (Selena Gomez)
Երիտասարդ աղջկա համար բավականին խնդրահարույց է միշտ գտնվել ուշադրության կենտրոնում: Բացի վեր սլացող կարիերան, Սելենա Գոմեսը բավականին բարդ անձնական կյանք ունի Ջասթին Բիբերի հետ անընդհատ խնդրահարույց հարաբերություններով: Իրականում նա հենց այդ հարաբերություններից ոգեշնչված է Instagram-ում տեսանյութ հրապարակել, որտեղ տխուր երաժշտություն է նվագում: Տեսանյութը վերնագրված էր՝ «Չգիտեմ: Գիտեք, ես իմ մտքերով եմ», որի հետևանքով երկրպագուները կարծել են, որ նա նորից փորձում է հանգստացնել Ջասթին Բիբերի կողմից կոտրված սիրտը: Հետո նա տեղադրել է շրջված կադր այդ տեսանյութից ու ինչ-որ մեկից ստացած սփոփիչ նամակը։
Ջասթին Բիբեր
Նա հայտնի է եղել նույնիսկ այն ժամանակ, երբ տարօրինակ սանրվածքով դեռահաս էր ու հանգիստ չտվող երգեր էր երգում: Աղջիկները խելագարվում էին նրա համար: Բայց նրա բոլոր երկրպագուները մեծացել են: Այդ պատճառով այնպիսի տպավորություն է, ասես, Բիբերը հուսահատ քայլերի է դիմում ուշադրության կենտրոնում մնալու համար: Անցած տարվա հունիսին նա երկու տեսանյութ էր թողարկել շատ վիրավորական Н***р բառի կիրառմամբ: Դրանցից առաջինը սևամորթների մասին էր, իսկ երկրորդում նա փոխել էր իր երգի տեքստը՝ կիրառելով Н***р բառը: Այնուհետև, մեկ ամիս անց, նա ռեստորանում վեճի էր բռնվել Օրլանդո Բլումի հետ այն պատճառով, որ Բիբերը անհարիր մեկնաբանություն էր արել Օրլանդո Բլումի նախկին կնոջ՝ Միրանդա Քերի վերաբերյալ: Ավելի վատն այն էր, որ Բիբերը հրապարակել էր Միրանդա Քերի լողազգեստով լուսանկարն ու հետո ջնջել այն:
Լինդսի Լոհան (Lindsey Lohan)
Իր վայրի պահվածքի պատճառով Լինդսի Լոհանը պապարացիների թիրախ է հանդիսանում արդեն մի քանի տարի շարունակ: Դեռ հունիս ամսին, լինելով Լոնդոնի Selfridge ունիվերմագում, նա շրջել է մերկ վիճակում՝ ապշեցնելով հաճախորդներին ու մենեջերներին:
Ֆրեդի Պրինց կրտսեր (Freddie Prinze Jr)
Ֆրեդին քննադատել էր իր գործընկեր Քիֆեր Սազերլենդին այս տարվա հուլիսին՝, հայտարարելով, որ Սազերլենդը ամենաոչպրոֆեսիոնալ դերասանն է, ում հետ իրեն բախտ է վիճակվել աշխատել: Այնուամենայնիվ, Fox հեռուստաալիքի ղեկավարությունը և այլ աստղեր շտապել են պաշտպանել Սազերլենդին ու ասել են, որ նա շատ պրոֆեսիոնալ է: Ենթադրություն կա, որ Պրինցի հարձակումը ալկոհոլի հետևանք է եղել:
Ժաքլին Բիսեթ (Jacqueline Bisset)
Նա ամենահարգված աստղերից է և երբ «Ոսկե գլոբուս» էր ստանում, հանդիսատեսը սպասում էր, որ հիասքանչ շնորհակալական խոսք է ասելու: Սակայն բոլորը վատ վիճակում են հայտնվել, երբ նա շփոթված կանգնել է բեմում ու փորձել է բառեր գտնել: Երկար դադարներից մեկի ժամանակ նվագախումբը նույնիսկ սկսել է նվագել, որովհետև կարծել է, թե նա ավարտել է, բայց նա շարունակել է հիմարություն ասել և ճառն ավարտել է՝ ասելով, որ բոլորին սիրում է:
Մայքլ Բեյ (Michael Bay)
Երբ ռեիսոր Մայքլ Բեյին հրավիրել են Լաս Վեգասում ընթացող Սպառողական էլեկտրոնիկայի միջազգային ցուցահանդեսին, զանգվածային ինֆորմացիայի միջոցներն ու փորձագետներն անհամբեր սպասում էին նրա ելույթին: Այնուամենայնիվ, ավտոմատ թարգմանության սարքը խնդիրներ է ունեցել, և խոսքը շարունակելու փոխարեն ռեժիսորն ուղղակի հեռացել է բեմից: Հետո նա իր այդ քայլը բացատրել է լսարանից ահավոր վախով:
Դենիս Ռոդման (Dennis Rodman)
Նա միշտ հայտնիէ եղել իր սկանդալային պահվածքով: NBA-ի լավագույն մարզիկներից մեկը հադիսանալով՝ Ռոդմանը այլ բասկետբոլիստների հետ մեկնել է Հյուսիսային Կորեա և այնտեղ հարցազրույց է տվել Քրիս Կուոմո անունով՝ CNN-ի ներկայացուցչին: Ըստ երևույթին, փոքր-ինչ ալկոհոլի ազդեցության և սթրեսային վիճակի մեջ գտնվելով՝ Ռոդմանը սկսել է բղավել լրագրողի վրա, երբ վերջինս առաջարկել է բանակցություններ սկսել Քենեթ Բեյի ազատ արձակման վերաբերյալ: Ռոդմանն ասել է, որ ինքը դիվանագետ չէ ու չի պատրաստվում խառնվել քաղաքական գործերին: Ավելի ուշ նա ներողություն է խնդրել իր պահվածքի համար:
Սոլանժ Նոուլզ (Solange Knowles)
Այն լուրերը, որ Բեյոնսեի ու Ջեյ Զիի ամուսնությունը քանդվում է ավելի մեծ թափով, բորբոքեց վերելակում տեղի ունեցած միջադեպը: Համացանցում տեսագրություն էր հայտվել, որտեղ Բեյոնսեի քույր Սոլանժը բղավում ու ձեռքերն է թափահարում Ջեյ Զիի վրա, այն դեպքում, երբ Բեյոնսեն հանգիստ կանգնած է ու հետևում է դեպքերի զարգացմանը: Ոչ ոք չգիտի, թե ինչում է ավարտվել վեճը, բայց ավելի ուշ արված հայտարարությունում նրանք նշել են, որ լուծել են իրենց բոլոր խնդիրները ընտանիքի շրջանակում: