Ճապոնիայի իշխանությունները հստակեցրել են, որ Նագանո պրեֆեկտուրայում շաբաթ օրը տեղի ունեցած 6,8 մագնիտուդ հզորությամբ երկրաշարժի հետևանքով տուժել է 39 մարդ: Այս մասին գրում է TASS-ը:
7 մարդ վիրավորվել է: Ամենածանր վնասվածքները կոտրվածքներն են, որ մարդիկ ստացել են տների փլուզումից կամ կահույքի ընկնելուց:
Մի շարք բնակավայրերում չի աշխատում ջրատարը: Այդ վայրեր արդեն սկսել են ցիստեռներով ջուր տանել: Երկրաշարժի էպիկենտրոնում հազարավոր մարդիկ լքել են իրենց տները և գիշերել տարհանման կետերում:
Նագանո պրեֆեկտուրայում դեռևս շարունակվում են հետցնցումները: Երկրաշարժի պահից ի վեր, որը գրանցվել է տեղի ժամանակով 22:08-ին, այդ շրջանում 33 հետցնցում է գրանցվել:
