Օղին շատ տարածված խմիչք է, որը հիմնականում բաղկացած է ջրից և էթիլ սպիրտից: Իսկ 2000թ. վաճառքում սկսեցին հայտնվել շատ թանկ և ուլտրա պրեմիում դասի ապրանքանիշներ: Bigpicture.ru կայքը կազմել է աշխարհի ամենաթանկ օղու շշերի վարկանիշային աղյուսակը:
10. «Էլաիզա» ապրանքանիշի օղին, որի շիշը զարդարված է Սվարովսկու բյուրեղներով (2000 դոլար)
Այս խմիչքը ստեղծվել է 2007թ. Սուրբ Վալենտինի օրվա կապակցությամբ: Խմիչքի գովազդում ասվում է, որ սա կարող է լինել լավագույն նվերը ձեր սիրելիին: Գլամուրային շշի մեջ լցված է Rose Alize կոկտեյլը, որը բաղկացած է կոնյակից, ֆրանսիական օղուց, լիչից (չինական սալոր), ելակից, վարդից և մարակուայից:
9. Օղի «Կայսերական հավաքածու» Սուպերպրեմիում (2400 դոլար)
Այս շշերը շատ հետաքրքիր դիզայն ունեն. ոսկեզօծ արծիվը նստած է Ֆաբերժեի ձվի վրա, որի մեջ գտնվում է խմիչքով լի գրաֆինը: Ի դեպ, Ֆաբերժեի ձուն ձեռքով է պատրաստված:
8. «Ստոլիչնայա» էլիտար օղի Հիմալայներից (3000 դոլար)
Այս օղու մեջ Հիմալայան լեռների ջրամբարներից բերված մաքուր ջուր է և ռուսական օզիմյան ցորեն: Շշերը պատրաստվում են ձեռքով, իսկ շշի հետ միասին տրամադրվում է նաև սառույց կոտրելու համար նախատեսված ոսկյա դանակ:
7. Օղի «Իորդանով» (4353 դոլար)
Այս օղին պատրաստված է Հյուսիսային Եվրոպայի հեռավոր անկյուններից մեկի մաքրագույն աղբյուրի ջրով: Շիշը զարդարված է Սվարովսկու 14 հազար բյուրեղներով:
6. Սվարովսկու բյուրեղներով զարդարված Oval օղի (6922 դոլար)
Այս շշի դիզայնը և պատրաստումը ամբողջովին պատկանում են Oval Vodka ընկերությանը: Յուրահատուկ շշով այս օղին արտադրվում է սահմանափակ քանակությամբ: Շիշը զարդարված է Սվարովսկու յոթ հազար բյուրեղներով: Իսկ գտնել այս բացառիկ խմիչքը կարելի է միայն շատ բարձր դասի գիշերային ակումբներում:
5. Belver Bears օղի՝ արտադրված Belvedere-ի կողմից (7240 դոլլար)
Այս անսովար անունով օղին արտադրվել է հատուկ Կաննի կինոփառատոնին վաճառվելու համար: Ընդ որում, միայն մի քանի VIP հյուրեր են հնարավորություն ստացել փորձել այս շատ սահմանափակ թվով արտադրված խմիչքը:
4. «Ռուս-բալթյան» օղի (740 000 դոլար)
Այս օղին հատկապես գնահատում են այն բանի համար, որ այն պատրաստված է շատ հին բաղադրատոմսով: Սա արտաքին տեսքի և պարունակության համադրության հիանալի օրինակ է, որը կհիացնի ցանկացածին, ով գնահատում է դասական որակը:
3. «Դիվա» պրեմիում օղի (1 մլն դոլար)
Ժամանակին այս օղին աշխարհի ամենագլամուրային օղին էր: Այն ներկայացվում էր որպես ամենամաքուր օղի, որը անցել է եռաստիճան զտում և մաքրվել թանկարժեք քարերով: Օղու պատրաստման համար օգտագործվել է աղբյուրի մաքուր ջուր, որը նաև սառույցով զտում է անցել: Այս խմիչքի գինը ավելանում է նաև ադամանդյա փոշու և սոճու փայտի ածուխի շնորհիվ, որոնք նույնպես օգտագործվել են պատրաստման ժամանակ:
2. Նոր «Ռուս-բալթյան» օղի (1.35 մլն դոլար)
Խմիչքը արտադրել է ռուսական Russo-Baltique ավտոմեքենաների ապրանքանիշը: Շիշը, որի մեջ լցված է թանկարժեք հեղուկը, ցուցադրում է ընկերության նրբագեղ դասական դիզայնը:
1. LeBillionaire օղին (3.7 մլն դոլար)
Այս խմիչքի շշի հեղինակը LeonVeres ընկերությունն է: Օղին մաքրվում է թանկարժեք քարերով, իսկ շիշը զարդարված է ավելի քան երեք հազար ադամանդներով: