«Կիմատիկա» (Cymatics) անունը կրող տեսանյութում երևում է, թե երաժշտությունը ինչպես կարող է ձեռք բերել ֆիզիկական ձև, դառնալ տեսանելի և շոշափելի՝ գրում է kulturologia.ru կայքը:
Օգտագործելով գիտական փորձերի արդյունքները՝ երաժիշտը ցույց է տվել, թե գիտությունը ինչպես կարող է դառնալ երաժշտության մաս: Ջուրը, ավազը, էլեկտրականությունը և գազի այրվող շիթերը ենթարկվում են երաժշտության ռիթմերին՝ կազմելով աննկարագրելի գեղեցիկ շոու:
Կինեմատիկան գիտություն է, որը ուսումնասիրում է ձայնի և տատանման տեսանելիությունը: Այս երևույթի համար հիմնականում օգտագործում են մեմբրաններ կամ թրթռացող մակերես ունեցող սկավառակ: Եթե այդ ժամանակ նրանց վրա դրվի մանր մասնիկների (շաքարավազի, ավազի, փոշու) բարակ շերտ կամ որևիցե հեղուկ, ապա կհայտնվի որոշակի պատկեր, որը բնորոշ է այս կամ այն ալիքին:
Այս երաժշտական տեսահոլովակը ստեղծվել է Նայջել Սթենֆորդի Cymatics երգի հիման վրա, որը նրա նոր՝ Solar Echoes ձայնասկավառակի առաջին սինգլն է: