Lragir.am-ը գրում է. «Հայկական զինված ուժերը փայլուն գործողություն են իրականացրել, վերահսկության տակ վերցնելով ուղղաթիռի անկման վայրը և դուրս բերելով անձնակազմի մասունքներն ու ուղղաթիռի կարևոր մասերը: Այդպիսով, Ղարաբաղի բանակի հատուկ ստորաբաժանումներն իրենց տոնը նշանավորեցին մարտունակության ու պրոֆեսիոնալիզմի բացառիկ օրինակով:
Այսօր հայկական նորագույն ազգային-ազատագրական շարժման հերոսներից մեկի՝ Լեոնիդ Ազգալդյանի ծննդյան օրն է: Փայլուն գիտնականը 1990-ից ձեռնամուխ եղավ Անկախության բանակի կազմավորմանը, քանի որ քչերից մեկն էր հասկանում, որ հարկ է լինելու կազմակերպել զինված դիմադրություն խորհրդային ու ադրբեջանական համատեղ ուժերին:
Անկախության բանակը սկզբնական շրջանում Հայաստանի տարբեր հատվածներում մասնակցել է բազմաթիվ ինքնապաշտպանական գործողությունների, այդ թվում՝ մայիսի 27-ի կայարանի և Սովետաշենի արյունալի սադրանքից հետո ծրագրավորել և իրականացրել է խորհրդային պատժիչ զորքերի Երևան ներթափանցման խոչընդոտումը։
Մանրամասները՝ Lragir.am-ում
