Բելգիացիներ Թոնի Ֆերհուլսթը և Սոֆի Գետգեբյուրը պատրաստվում են ֆրանսիական Լիմուզեն նահանգում տարեց փղերի համար ծերանոց կառուցել, հաղորդում է La Montagne-ը: Ֆերհուլստի խոսքերով՝ նրանք 20 տարի շարունակ խնամել են փղերին բելգիական Անտվերպեն քաղաքի կենդանաբանական այգում և այժմ ցանկանում են Ֆրանսիայում փղերին արժանի ծերություն ապահովել:
«Որոշ եվրոպական երկրներում կրկեսներում վայրի կենդանիներին օգտագործելն արգելվում է: Ավստրիայում, Բուլղարիայում, Բելգիայում, Խորվաթիայում ու Դանիայում և շուտով արդեն Եվրոպայի այլ երկրներում նմանատիպ միջոցներ կկիրառվեն։ Այդ պատճառով էլ հարկավոր է պայմաններ ստեղծել, որ նրանց չսպանեն, այլ որպեսզի նրանք կարողանան հանգիստ ապրել իրենց մնացած օրերը»,-պատմել է կենդանիների պաշտպանը:
Բելգիացիները ցանկանում են 25 հա տարածքում մինչև 10 փիղ պահել: Նրանց խոսքերով՝ այդ վայրում փղերի կյանքի համար ամեն անհրաժեշտ բան կա՝ շատ ջուր, խոտ: Առաջին փղին նրանք ցանկանում են ապաստանել արդեն այս տարվա ընթացքում:
Քաղաքային իշխանություններն աջակցել են փղերի սիրահարների նախաձեռնությանը: Քաղաքապետարանում կարծում են, որ փղերը կգավեն զբոսաշրջիկներին և կնպաստեն ամբողջ տարածաշրջանի տնտեսական զարգացմանը:
Տարեց փղերի համար նախատեսված նմանատիպ ծերանոցներ են գործում Ամերիկայում և Ասիայում: